LABEH DEZAMINA INFORMASAUN BA ESTUDANTE UNPAZ

#UNPAZ# 09 DEZEMBRU 2021

LABEH DEZAMINA INFORMASAUN BA ESTUDANTE UNPAZ

Dili-Universidade da Paz (UNPAZ), liuhusi Lalenok ba Ema Hotu (LABEH) ne’ebé servisu hamutuk UNPAZ hodi hala’o Selebrasaun Loron Mundiál Anti-Korrupsaun ho tema jeral" O Nia Direitu O Nia Partisipasaun Dehan Lae ba Korrupsaun", iha Aula Prof. Dr. Lucas da Costa, SE.,MSi. (09/12).

Diretór Unidade Rekursu Humanus, Sr. Carmo Antonio Pinto Baptista, S. Sos.,M. Si. ne’ebé reprezenta, Magnifiku Reitór, Universidade da Paz, Dr. Adolmando Soares Amaral, Lic, Eco. MM. Hateten, ita hotu haree ona mensajem badak mais hatudu nia efeitu ida ne’ebé bo’ot tebes iha 13 Munusipiu, iha parte sira ne’e ita harak transforma buat ida ne’ebé mak mosu iha filmajen ohin ne’e, hatudu ba ita hotu katak ita hotu-hotu iha responsabilidade.

"Ita hotu iha responsabilidade tanba loron ida ohin ita bo’ot sira ne’ebé mak partisipa hanesan estudante reprezenta senadu, ne’e mehi bo’ot ida ba ita bo’ot sira atu provoka ita bo’ot sira, hodi hatudu imi nia intelektual hanesan estudante UNPAZ ba futuru apoiu ba programa Diretór Exekutivu Labeh mai fahe ba ita", dehan.

Nia hatutan, ita ohin rona ita presija implementasaun, ita la’os presija sira nia misaun no vizasaun, atu muda mehi ida ne’e, Labeh mesak labele, maibe Labeh sempre halo kolaborasaun hamutuk ho akadémiku sira hotu-hotu ita bo’ot sira sai forsa ida aban bain rua atu reprezenta iha sosidade.

Agradese ba Diretór Ezekutivu LABEH, Dr. Christopher H. Samson. Ho estrutura tomak, ne’ebé loron ohin mai fahe informasaun ba ami nia estudante sira kona-ba, Selebrasaun Loron Mundiál Anti-Korrupsaun, Universidade da Paz sei la rezerva buat ida, atu apoiu nafatin programa Labeh ba oin’ Salienta Nia .

Diretór Ezekutivu LABEH, Dr. Christopher H. Samson. katak, importante liu ba loron ohin tanba-sa mak ita tenke Selebrasaun Loron Mundiál Anti-Korrupsaun, simplismente ohin ita hatudu video/filmajen iha ne’eba ha’u fiar ita hotu hare realidade ne’ebé akontese lo’os duni.

"Lalenok ba Ema Hotu (LABEH) ita dehan Lalenok signifika Lalenok nunka bosok ita, karik ita hatais mutin ba iha Lalenok nia oin, nia hatudu katak ita hatais mutin, Lalenok nunka hatudu baut ne’ebé la lo’os, tanba ne’e Labeh la’os mosu iha tinan hirak liuba atu prakontra, maibe atu leno realidade povu nia moris",haktuir Dr. Christopher.

Ohin Lalenok ba Ema Hotu (LABEH), hamutuk ho Universidade da Paz halo Komemorasaun Loron Mundiál Anti-Korrupsaun, ho nia topiku katak, O Nia Direitu O Nia Partisipasaun Dehan Lae ba Korrupsaun, topiku ida ne’e mak uza iha mundu tomak ne’ebé ohin halo Selebrasaun Loron Mundiál Anti-Korrupsaun,Esplika Nia.

Nia haforsa, Maibe iha ne’e Lalenok ba Ema Hotu, hamutuk ho UNPAZ husu nafatin ba estadu atu tau matan, halo tuir dever ne’ebé hakerek ona iha konstituisaun, dehan lae ba Korrupsaun orsamentu do estadu ne’ebé agora dadaun diskuti bele to’o ba povu nia le’et, bele uza halo dezenvolvimentu ba, Be’e mós, Estrada, Saúde, Edukasaun Eletrisidade no selu-seluk tán.

Buat ne’ebé importante ba povu mak ida ne’e duni, povu la husu atu fahe osan ba sira, povu husu para sira iha kondisaun ne’ebé di’ak atu halo sira nia servisu, Loron Mundiál Anti-Korrupsaun, sai loron ida ne’ebé importante ba ukun na’in sira, ba Sosiedade Sivil, ba Akadémista sira, ba ema hotu atu hamrik dehan lae ba korrupsaun, dehan Diretór.

Partisipa iha Selebrasaun Loron Mundiál Anti-Korrupsaun ne’e, Diretór Unidade Rekursu Humanus, Sr. Carmo Antonio Pinto Baptista, S. Sos.,M. Si. ne’ebé reprezenta, Magnifiku Reitór, Universidade da Paz, Dr. Adolmando Soares Amaral, Lic, Eco. MM. Prezidente Fundasaun Neon Metin, Diretór Ezekutivu LABEH, Dr. Christopher H. Samson. Ho Estrutura tomak, Diretór Kreativu no Inovativu, no Diretór Extra Kurikuler, inklui Estudante sira.