KORDENADOR TURISMU NASIONAL DEZAMINA INFORMASAUN PROGRAMA HAU NIA TIMOR-LESTE BA ESTUDANTE IHA UNPAZ

#UNPAZ# 29 JULLU 2021

KORDENADÓR TURISMU NASIONÁL DEZAMINA INFORMASAUN PROGRAMA H’AU NIA TIMOR-LESTE BÁ ESTUDANTE IHA UNPAZ

Dili-Universidade da Paz (UNPAZ), liuhusi Diretór Kreativu no Inovativu, Sr. Paulo Victor, Lic. Eco. hamutuk ho  Kordenadór Turismu Nasionál, Sr. Fonseca Miranda, ho Sra. Maximiliana Orleans, dezamina informasaun kona-bá programa, “Ha’u Nia Timor-Leste, ho Tema, Kompetisaun Diskursu Públiku Turismu Sustentavel  Liuhusi Kresimentu Inkluzivu iha ‘Ha'u Nia Timor-Leste’, iha Aula Prof. Dr. Lucas da Costa, (29/07).

Diretór Kreativu no Inivativu, Sr. Paulo Victor, Lic. hateten, USAID mai dezamina informasaun sobre kompetisaun diskursu públiku ne’ebé ligadu ho turismu sustentavel liuhusi kresimentu inkluzivu iha Ha’u Nia Timor-Leste, tanbá USAID rasik mós halo atividade liu-liu ligadu ho prorama ida Ha’u Nia Timor-Leste, liga ho atividade kompetisaun diskursu públiku  iha área turismu nian, tanbá ne’e mak ita nia estudante iha Universitariu sira hotu, inklui UNPAZ.

"Enkora nafatin estudante sira para bele hola parte iha atividade ne’e, tanbá parte ida bele hakb’it estudante sira nia abilidade iha área sira hanesan ne’e",dehan Sr. Paulo.

Kordenadór Turismu Nasionál, Sr. Fonseca Miranda, hatutan ami fahe informasaun kona-bá programa ida ne’ebé ami bolu turismu ba ema hotu, programa ida ne’e tinan-tinan ami sempre halo hahú husi 2019 to’o agora, ami hili Universidade sira, inklui UNPAZ, tanbá ami hatene katak estudante sira hanesan joven, sira mós iha ona koñesementu báziku kona-bá turismu hopitalidade, iha programa ida ne’e ami la fokus bá estudante sira ne’ebé mak turismu hospitalidade, maibe koko atu loke bá públiku ne’ebé iha interese, importante mak nia iha abilidade di’ak atu dezenvolve turismu iha ita nia rai laran ne’e bá oin.

Partesipa iha atividade refere, Diretór Kreativu no Inivativu, Sr. Paulo Victor, Lic. Eco. Kordenadór Turismu Nasionál, Sr. Fonseca Miranda, ho Sra. Maximiliana Orleans, Funsionariu sira, nomós estudante husi Fakuldade neen.