KONSELHO DE IMPRENSA DE TIMOR LESTE DEZAMINA INFORMASAUN BA ESTUDANTE UNPAZ

#UNPAZ# 25 NOVEMBRU 2021

KONSELHO DE IMPRENSA DE TIMOR LESTE DEZAMINA INFORMASAUN BA ESTUDANTE UNPAZ

Dili-Universidade da Paz (UNPAZ), liuhusi Diretor Kreativu no Invativu ne’ebé servisu hamutuk ho Konselho De Imprensa De Timor Leste, hodi Dezamina Informasaun Ba Estudante UNPAZ, kona-ba Training of Basic-Online Fact Checking, iha Salaun Saúde Públika (25/11).

Diretor Exekutivo Konselho de Imprensa, Sr. Rigoberto Monteiro, hateten formasaun ida ohin ne’e liga ba oinsa atu kombate informasaun falsu sira iha plata forma online digital nian, tanba utilizasaun média sosial maioria ema joven, nomós ba estudante universidade sira.

"Joven sira ita tenki enkoraja sira atu labele hatete at ema iha média sosial, tenki utiliza média ne’e ho didi’ak, ita la manan buat ida ita hatete at ema ita gaba ema mós ita la lakon buat ida, hanesan Prf. Dr. Lucas da Costa nia Mensagen ne’e, estudante UNPAZ tenki tau iha neon ida-idak nian no kuda prinsipiu ida ne’e iha laran",tenik Sr. Rigoberto.

Nia hatutan, ami fokus ba iha universidade sira para atu joven sira no estudante sira bele hatene, oinsa notisia sira ne’ebé mosu iha ita nia media sosial no flata forma online ne’e sira hatene tebes ka sala, se sala karik labele fahe tutan.

Diretor Kreativu no Inovativu, Sr. Paulo Victor Lic. Eco. hatutan formasaun ida ne’e fasilita husi Konselho De Imprensa De Timor Leste, hetan apoiu husi Embaixada Amerika atu fasilita informasaun ba estudante sira, ho formasaun ida ne’ebé hanran Training of Basic-Online Fact Checking, ho nia objetivu ne’e liga ho informasaun sira falsu, oinsa estudante sira bele hatene.

"Tanba ita hatete katak, iha erra dijitalizasaun ohin loron ne’e iha informasaun positivu nomós negativu, entau papel estudante sira mós iha obrigasaun kna’ar ida responsabilidade ida para bele hatene asuntu sira ne’e, para ita kontribui ba informasaun sira ne’ebé kradivel no lo’os ita bele kontribui ba prosesu ita nia dezenvolvimentu ba nasaun no ba sosiedade",Sr. Paulo.

Partisipa iha atividade refere, Diretor Exekutivo Konselho de Imprensa, Sr. Rigoberto Monteiro, ho Ekipa, Diretor Inovativu no Kreativu, Sr. Paulo Victor Lic. Eco, nomós Estudante sira.