KONFERENSIA REGIONAL SAUP BA LORON DATOLUK NIAN IHA UNPAZ TIMOR-LESTE
Dili-13 de Dezembru 2023, Universidade da Paz (UNPAZ) liuhusi Vise Reitór Asuntu Akadémiku, Dr. Joaninho Xavier Hei, Lic CSH.M.Ed.PhD, hateten, konferensia rejionál SAUP ba loron datoluk nian, primeiru ita haree kona-ba reviu kurikulum ba estudu ba paz nian, ne’ebé iha halo iha universidade da paz, no kompara ho universidade sira husi Philippines no Cambodia, sira mai fahe sira-nia esperiensia kona-ba dezenvolve programa estudu ba paz nian, iha sira-nia rai.
Nia dehan, ohin Ita mós hetan feedback husi sira Philippines, tanba sira iha esperiensia barak kona-ba área estudu ba paz nian, nomós sira husi peritus sira husi SAUP husi Germany nomós Marburg University, ne’ebé konsege ita hetan hanoin sira ne’e husi peritus sira, atu bele milora kurikulum estudu ba paz nian iha lisensiatura nian.
Planu mós ba oin, depois de aprova kurikulum ne’e, saida mak presiza halo mak hanesan estudu komparativu dosente sira ba fali sira-nia rain ho estudante balu, ita mós halo planu ba tinan oin/tinan rua nulu mai, estudu ba paz ne’e, bele sai peritus ne’ebé bele fó konsellu ba paz nian iha timor.
Entretantu, atividade ida ne’e, fasilita husi UNPAZ no Centro Bacional Chega hamutuk ho parseiru sira husi Philippines no Cambodia ne’ebé hetan apoiu maximu husi SAUP (Southeast Asian Universirty Partnership for Peace and Conflict Transformation)
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
