KOMISAUN SIRA HALO MONITORIZASAUN MASIMU BA EZAME LORON DARUAK NIAN

KOMISAUN SIRA HALO MONITORIZASAUN MASIMU BA EZAME LORON DARUAK NIAN

Dili-Universidade da Paz (UNPAZ) liuhusi ekipa komisaun ne’ebé estabelese hodi responsabiliza ba ezame final ba estudante semester impar (I) ba tinan akadémiku 2023 nian, nafatin hala’o funsaun atu monitoriza masimu ba iha aula sira hodi haree estudante sira ne’ebé kompleta ona propinas 100% no sira ne’ebé seidauk kompleta 100%, iha Kampus sentral (25/07).

Tuir Diretór Rekurusu Humanu, Sr. Frans Belarmino Dos Santos Menezes, SE.,M.Si. hanesan mós ekipa komisaun hateten, iha loron primeiru ita halo monitorizasaun ba estudante sira nia ezame, bazeia ba lista ne’ebé husi finansas mai iha komisaun kona-ba propinas ne’ebé mak estudante sira sei kompleta, tanba ne’e bazeia ba regulamentu husi parte komisasaun nian, katak, estudante ne’ebé seidauk kompleta propinas, sei la iha toleransia ba nia atu tuir ezame, maibe lasignifika estudante sira laiha ona direitu atu tuir ezame lae, maibe tenki ba kumpri uluk dever ba iha propinas nian, hafoin bele mai halo komfirmasaun ho ekipa komisaun no ba hasoru fakuldade atu bele tuir ezame.

“Komisaun ne’e garante no esperansa katak iha ezame ba loron segundu nian bele redus ona orsamentu ne’ebé sei iha estudante sira-nia liman, tanba hetan monitorizasaun masimu husi ekipa bizilansia nomós husi parte universidade nian, fasilita kareta banku mandiri mai direta iha universidade, hodi hafasil estudante sira labele la’o ho distasia dook hodi selu”,tenik.

Nia konklui katak, iha loron primeiru no to’o ohin ba loron daruak nian, iha mudansa ituan ba iha propinas nian, tanba husi parte universidade fasilita kareta banku mandiri nian mai iha universidade, para estudante sira labele hakat ho distasia dook, maibe besik ba sira bele kompleta lalais propinas iha universidade de’it, ida ne’e mekanizmu ne’ebé mak di’ak tebes tanba iha loron primeiru no ba loron segundu numeru bele redus ituan ona.

Entretantu ezame final ba estudante semester (I) ne’ebé kompostu husi fakuldade neen tinan akadémikju 2023, hetan monitorizasaun masimu husi ekipa komiasaun sira ne’ebé estabelese ona, hodi responsabiliza ba ezame semester impar (I) ida ne’e.