KOMISAUN RESPONSAVEL PAK IHA RAEOA KONVOKA REUNIAUN HO XEFE KADA GRUPU PAK SIRA

KOMISAUN RESPONSAVEL PAK IHA RAEOA KONVOKA REUNIAUN HO XEFE KADA GRUPU PAK SIRA

RAEOA-19/05/2024/Universidade da Paz (UNPAZ) Liuhusi Prezidente Komisaun Organizadora ba Programa PAK Raeoa, Sr. Joaninho Xavier Hei. Lic. CSH.,M.Ed.PhD. ho ekipa komisaun sira hotu hala'o enkontru ho xefe grupu PAK ne'ebé kompostu husi fakuldade neen Universidade da Paz, ne'ebé hala'o atividade iha Raeoa. Nune'e ohin ko'alia kona-ba Relatoriu final, ne'ebé sei junta hamutuk, hodi entrega ba Autoridade Raeoa.

Prezidente Komisaun hateten, Ohin ne'e ko'alia mós kona-ba estudante sira ne'ebé mai hala'o atividade fulan ida ka rua fila fali ba Dili, ida ne'e ita konsidera katak, sira labele pasa iha programa PAK, no tinan oin sira tenki tun fila fali ho sira semester V lima sira seluk, tanba sira la rrmanta sira-nia programa PAK. Se sira ba Dili iha koñesimentu ruma husi dosente orientador ita sei konsidera, se laiha maka, ita la konsidera, tinan oin tenki tun fila fali.

Nia dehan, aban estudante PAK sira sei hahú hala'o kampu Multifunsaun ida no reahabilitasaun haris fatin no halo dalan asesu ba iha difisiente sira, hahú aban ate 22, aumesmu tempu, iha 22 mós desloka estudante PAK sira ba iha Kampus Sentrál, nune'e mós sei fó espasu ba sira durante semana rua, depois de semana rua sira tenki mai aprezenta Relatoriu tuir kada grupu, nune'e bele hetan valor.