KOMISAUN PREPARASAUN ENSAIU IKUS NIAN HODI HAKAT BA ORIENTASAUN TINAN 2025

KOMISAUN PREPARASAUN ENSAIU IKUS NIAN HODI HAKAT BA ORIENTASAUN TINAN 2025

Dili-05 Marsu 2025 Universidade da Paz (UNPAZ) liu husi Komisaun ORIAK hamutuk ho estudante orientadór fakuldade 7, kontinua organiza ensaiu ikus ba kandidatu estudante foun, hodi prepara ba orientasaun akadémiku, ne’ebé sei realiza 06 Marsu 2025, iha Salaun José Kasimiru.

Iha ensaiu loron ikus ne’e, Prezidente Komisaun Organizadora, Felisbela A. O. de Oliveira, Lic. SP.,M.SP. fó hanoin ba kandidatu estudante foun sira, atu mantein ho situsaun ne’ebé hakmatek iha prosesu orientasaun nian, lapresiza ita hakilar malu tanba ita mesak ema akaémiku no husi uma mai iha objetivu ida mak Ospek.

“Kandidatu Estudante sira tenki kolabora ho orientador sira nomós komisaun sira hotu, atu nune’e atividade orientasaun bele la’o ho di’ak, kandidatu Estudante sira la kolabora maka sei hetan sansaun ruma husi komisaun sira, tanba ne’e presiza kandidadu Estudante sira nia disiplina no respeita ba regras hotu ne’ebé estabelese ona”,tenik Prezidente Komisaun.

Prezidente ne’e mós enkoraja kandidatu estudante foun sira katak, husi imi nia disiplina, etika, matenek no hahalok sira mak sei iha rezultadu ne’ebé di’ak iha futuru.

Partisipa iha ensaiu ba loron ikus ne’e, Prezidente Komisaun Organizadora, Felisbela A. O. de Oliveira, Lic. SP.,M.SP. ho estrutura komisaun sira estudante orientadór husi fakuldade 7 inklui kandidatu estudante foun sira.