#UNPAZ# 02 FEVEREIRO 2021
KOMISAUN ORGANIZADÓRA APREZENTA PROGRAMA ATIVIDADE ORIENTASAUN
Dili-Universidade da Paz (UNPAZ), liuhusi prezidente komisaun organizadóra ba orientasaun tinan akádemiku 2021 nian, ohin aprezenta planu programa atividade orientasaun nian, ba estrutura Universidade hodi halo diskusaun hamutuk ba preparasaun estudante foun hodi tuir orientasaun iha dia 16 Fulan ne’e, iha salaun Pos-Graduasaun (02/02).
Prezidente Komisaun organizadora ba atividade orientasaun ne’e, Sr. Julio da Silva Salsina, Lic. CSH, hateten ohin hanesan pasu ida hodi foti médida ba atividade orientasaun tinan akádemiku 2021 nian, tanba tinan ida ne’e iha mudansa inovasaun foun ba estudante sira, liu-liu iha orientasaun ida ne’e, sei esplika matéria ba estudante sira hodi hatene natureza UNPAZ nian.
‘’Estudante sira orientasaun tenki tuir regras no disiplina tanba la hanesan ho tinan ida uluk, estudante sira hanesan Mahasiswa katak, Maha, Leten, Siswa, sira mai eskola, ita tenki orienta sira tuir Maha ne’e, no estudante sira mai sei lori mak kadernu ho lapizeira hodi rona palestra husi ita nia oradór sira’’, dehan Julio.
Partesipa iha aprezentasaun ne’e, Magnifiku Reitór Universidade da Paz, Dr. Adolmando Soares Amaral, Lic Eco. MM. Pro Reitór, Dekanu Fakuldade Neen, Xefe Departamemtu, Diretór Unidade sira, Desente, inklui Funsionariu iha Universidade da Paz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
