KOMISAUN ORGANIZADORA APREZENTA PLANU NO PROGRAMA BA PREPARASAUN KOMEMORASAUN ANIVERSARIU DIES NATAL

KOMISAUN ORGANIZADORA APREZENTA PLANU NO PROGRAMA BA PREPARASAUN KOMEMORASAUN ANIVERSARIU DIES NATALIES UNPAZ BA DA XVIII

Dili-Universidade da Paz (UNPAZ) liuhusi Prezidente Komisaun Organizadora hala’o reuniaun ba dahuluk hodi aprezenta planu no programa sira ne’ebé atu implementa iha komemorasaun Dies Natalies UNPAZ ba da XVIII, iha Kampus UNPAZ, iha Aula Prof. Dr. Lucas da Costa (24/02).

Dekanu Fakuldade Enjeñaria, Sr. José Manuel Maniquin, Lic.Eng.,M.Eng. nu’udar Prezidente Komisaun Organizadora ba Komemorasaun Dies Natalies UNPAZ, hateten ohin ita reuniaun ba da huluk hodi prepasaun ba serimonia aniversariu Universidade da Paz ba da XVIII tinan akadémiku 2022.

Nia hatutan, ajenda ohin ita atu aprejenta estrutura komisaun organizadora, nomós atividade sira ne’ebé atu implementa bazeia ba reuniaun ne’ebé, orientasaun mai husi Magnifiku Reitór.

“Maibe atu realiza atividade lubuk ida ne’ebé ohin ita aprezenta ne’e, la’os servisu komisaun sira nian mesak, maibe tenki hetan apoiu husi dosente no funsionariu sira, atu nune’e ita bele realiza ita nia atividade ne’e ho susesu”,dehan Dekanu Fakuldade Enjeñaria, Sr. José.

Partisipa iha reuniaun ne’e, Magnifiku Reitór, Universidade da Paz, Dr. Adolmando Soares Amaral, Lic.Eco.,MM. Dekanu Fakuldade Enjeñaria, Sr. José Manuel Maniquin, Lic.Eng.,M.Eng. ho estrutura Komisaun sira hotu.