KOMEMORASAUN TINAN 20 EXISTENSIA UNPAZ NO LUSTRUM BA DALA IV

KOMEMORASAUN TINAN 20 EXISTENSIA UNPAZ NO LUSTRUM BA DALA IV

Dili-Universidade da Paz (UNPAZ) komemorasaun tinan 20 existensia UNPAZ no lustrum ba dala IV, ho tema geral "Hametin Konfiansa Sosiedade Hodi Kontribui Ba Dezenvolvimentu Nasinal Liuhusi Dezenvolve Siensia No Produs Prestasaun",iha Kampus UNPAZ (09/03/24).

Magnífiku Reitór UNPAZ, Dr. Adolmando Soares Amaral, Lic. Eco.,MM. dehan estudante sira hotu, ita tempu sira liuba, di'ak no at ita sente hotu, imi sira ne'ebé agora kontinua hela estudu iha ne'e, halo jestaun no aproveita tempu ho di'ak, atu apriende siénsia no Teknologia ho di'ak, atu halo buat ruma ba povu no rai ida ne'e, tanba kurikulum ne'ebé ita harmoniza atu ajuda ita bo'ot sira iha prosesu aprendizajem di'ak liu iha futuru.

Reitór husu ba estudante hotu atu aproveita tempu ne'e ho di'ak, hodi apriende siénsia no Teknologia, atu tun ba iha komunidade, atu halo buat ruma ba inan aman sira, atu sente saida mak sira sente no han saida mak sira han, nune'e bele iha relatoriu ida ke di'ak, atu ba deskute hamutuk ema sira ne'ebé iha sisitema nia laran katak, dadus mak ida ne'e, ami sente saida mak povu sente, haree ba prepara orsamenta reral, atu ba rezolve povu nia problema sira ne'e.

"Estudante sira Universidade da Paz, 20 anus ona, imi tenki hatudu imi nia kualidade, tanba universidade halo buat lubuk ida no prepara kondisaun ba imi no harmoniza kurikulum, haruka dosente sira ba tuir formasaun no kontinua estudu, sira ne'e hotu atu garante kualidade ba imi, maibé kualidade tenki mai husi imi nia an rasik, nune'e bele halo buat ruma ba povu no rai ida ne'e, sai mós servidor ne'ebé di'ak",dehan Reitór UNPAZ.

Iha fatin hanesan, Vise Prezidente FNM, Eng. Hugu Carvalho hateten, Ohin ita selebra 20 ezistensia UNPAZ, ho ida ne'e atu dehan de'it katak, tinan ida 20 la'ós tinan ida tuan, maibé la'ós tinan ida mós barak, iha tinan 20 ba kotuk ita la hamrik hanesan ne'e, maibé iha buat barak ne'ebé ita hasoru iha tempu kotuk, maibé ohin loron ita hamrik iha fatin ida ne'ebé mak ita hotu-hotu orgullu. Esperansa katak UNPAZ sei dezenvolve di'ak liu tan ba iha futuru.

Entretantu iha Selebrasaun 20 ezistensia UNPAZ, partisipa husi Estrutura Senadu Universidade, ne'ebé kompostu husi Magnífiku Reitór UNPAZ, Dr. Adolmando Soares Amaral, Lic. Eco.,MM. Vise Reitores sira, Dekanu Fakuldade 6, ho estrutura tomak, Diretor Unidade sira, Magnífiku Reitór UNTL, Magnífiku UNITAL, Diretor FDCH, Parseiru husi Telemor, Telkomcel nomós sira seluk tán. Dosente, Funsionariu, Alumi inklui Sivitas Akadémiku sira hotu iha Universidade da Paz.