KARTA DEKLARASAUN HASORU MINISTRU ENSINU SUPERIOR SIENSIA NO KUKTURA

KARTA DEKLARASAUN HASORU MINISTRU ENSINU SUPERIOR SIENSIA NO KUKTURA

Hatan ba deklarasaun Ministru Ensinu Superior Ciencia no Kultura kona-ba suspensaun ba kursu foun sira nomós taka programa doutoramentu, nune'e liu hosi biban ida ne’e nudar Fakuldade ida ne'ebé afeta mós hosi rezolusaun governu nian, ami hato’o pozisaun hanesan tuir mai:

1.MESSK lahala’o nia knar tuir Lei ne'ebé regula ezistensia Ensinu superior ne'ebé hatu’ur konaba “orgaun Konselhu dos Reitores”. UNPAZ hanesan mós instituisaun ensinu superior privadu iha TL, ne parseiru governu nian, la’os sub ordinadu hosi governu. Nune tengke utiliza mekanismu ne'ebé hatur ona iha lei kona-ba konsellu dos reitores.

2.MESSK diretamente la fó valor ba ezistensia ANAAA nudar orgaun governu nian nebe iha knar atu halo avaliasauan no fó akreditasaun ba programa estudu sira nebe la’o hela. Programa estudu doutoramento ne'ebé taka la’o hela no hetan ona rekomendasaun hosi ekipa avaliasaun ne'ebé ministru rasik mak forma.

3.MESSK laiha logika hanoin nebe koresponde ho programa governu nian rasik atu reforma no hadia kualidade iha ensinu superior sira. Kuandu governu la autoriza kursu foun sira, ne katak kursu sira nebe sedauk hetan valor akreditasaun di'ak mós, sei monopoliu ba programa estudu sira ne’e. iha kompetisaun entre programa estudu iha universidade sira mak sei hasa’e kualidade diak liu.

4.MESSK lahatudu imajen nudar servidor povu nian, tamba hasai liafuan nebe lamerese hodi dehan “governu la persija UNPAZ”, hanesan instituisaun privadu ne'ebé kontribui ona ba formasaun rekursus humanus, enkuantu governu mesak laiha kapasidade/kbit atu resolve. Se uza liafuan ministru nian katak governu lapersija UNPAZ tamba lakohi hakruk ba rezolusaun governua nian, entaun liafuan hanesan bele mós prega ba povu ne'ebé protesta governu tamba politika governu nian balun prezudika puvu nia moris. Sera ke ministru atu hateten kata “governu la persija povu”.

5.Sai ministru atu servi la’os atu hatudu dehan: hau mak ukun, hau mak manda, imi lakohi tuir hau sei la tau matan ba imi.

Dili, 5 de Maiu de 2025

Hodi Naran Senadu Fakuldade nian:

Dekanu Fakuldade Ciensia Sociais Humana, Dr. Fernando Dias Gusmão, A.Md., S.I.P., M.AP. Dekanu FSPeCM, Cipriano do Rosario Pacheco, AMG, Lic.SP.,M.Kes.