KANDIDATU ESTUDANTE FOUN 976 TUIR ONA TESTE BA FAZE DARUAK NIAN IHA UNPAZ

KANDIDATU ESTUDANTE FOUN 976 TUIR ONA TESTE BA FAZE DARUAK NIAN IHA UNPAZ

Dili-Universidade da Paz (UNPAZ) realiza teste ezame ba kandidatu estudante foun atus sia hitu nulu resin neen (976) ne’ebé kompostu husi Fakuldade neen ba tinan akadémiku 2023 ba faze daruak, iha Kampus Sentra UNPAZ (13/02).

Diretor UA-AAE, Sr. Almerindo B. Sequeira, Lic.,Tec., M. Eng. hateten, ohin 13 de fevereiru 2023 depois de teste etapa primeiru, kontinua nafatin rejistu etapa segundu no ohin halo ona teste ba kandidatu estudante foun etapa segundu nian, ne’ebé kompostu husi estudante fakuldade neen ho total 976 ne’ebé ohin tuir teste ona. Depois de ohin teste hotu, sei nanunsia sai rejultadu iha Kuarta feira dia 15 de fevereiru 2023.

Nia hatutan, hahu tuku 02:00 nafatin kontinua halo rejistrasaun ba estudante etapa III nian to’o dia 24 fevereiru 2023, no sei tuir fali teste iha dia 25 fevereiru 2023.

Kandidatu Estudante foun FCSH Deparatmentu Relasional, Daniel Fernandes, hanesan mós Membro F-FDTL, hateten, haksolok tebes ohin ha’u bele tuir ona teste iha Universidade da Paz, maske sei kandidatu hela, maibe ha’u kontente wain hira ha’u pasa iha teste ida ne’e, ha’u hili Universidade da Paz, tanba ho kestaun tempu, tanba tempu ne’e ejije bei-beik, ha’u hili Universidade da Paz, tanba bele eskola iha tempu kalan.

Nia salienta, materia ne’ebé ohin teste sente fasil se bainhira ita preparadu, se ita la preparadu maka ita bele dehan difísil, ba ha’u pesoalmente sente oportunidade di’ak lo’os hodi kontinua iha Universidade da Paz, tuir ha’u nia observasaun ambiente universidade da paz di’ak tebes no atrai tebes estudante sira atu apriende iha ne’e.

“Hanesan estudante hanesan mós joventude, di’ak liu utiliza oportunidade ba estuda, tanba tempu ida agora ba joventude atu estuda, ita labele soe tempu ba buat ne’ebé mak laiha benefisiu ba ita, tanba estuda ne’e laiha limitasaun no nasaunh hein ita nia prejensa”,dehan Daniel.

Sorin seluk, Kandidatu Estudante foun, Ligia Elizabet de Menezes Ximene, husi Fakuldade Ekonomia Departamentu Akontabilidade, nu’udar Divizaun Fundu Global (MOH), ha’u kontenti hakarak hili Universidade da Paz sai hanesan fatin ba ha’u atu apriende, tanba ne’e mak ohin ha’u bele hola parte iha exame teste ba etapa segundu nian, iha Universidade da Paz liuliu iha Fakuldade Ekonómia.

“Ha’u servisu ho ida ne’e mak ha’u hili universidade da pz atu kontinua eskola iha esténsia/kalan, ho ida ne’e ba ha’u hanesan previléjiu bo’ot ida ba ha’u bele kontinua iha UNPAZ. Tanba ne’e, ba alin sira ne’ebé remata ona bele hakat mai iha UNPAZ atu kontinua apriende iha ne’e, tanba Universidade da Paz nafatin odamatan nakloke ba ita hotu”,dehan Ligia.

Iha fatin hanesan, Kandidatu Estudante foun, Geovania Santos Marques, husi FSPCM Departamentu Siensia Enfermagen, agradese no orgullu tebes ohin tuir exame iha Univeridade da Paz liuliu iha fakuldade Saúde Públika Departamentu Enfermazen, ha’u hili Universidade da Paz ho ha’u nia hakarak rasik atu apriende duni iha área enfermazen nian. ha’u hili enfermazen ho ha’u nia hakarak rasik tuir mehi ne’ebé ha’u iha dezde sei banku sekundáriu nian.

“Oportunidade di’ak tebes ha’u bele hili enfermazen no ohin tuir ona teste, ha’u fiar katak ho ezame ida ne’e bele fó rezultadu ne’ebé pozitivu tebes. Ha’u fiar katak, ha’u finaliza husi departamentu ida ne’e, nu’udar rekursu umanu ida ba nasaun ne’e”,tenik Geovania.

Entretantu teste estudante foun ba faze daruka ne’e, kompostu husi estudante fakuldade neen hanesan Fakuldade Ekonomia ho total (166) ne’ebé kompostu husi Departamentu 4, Departamentu Jestaun estudante (34), Konatabilidade (38), Bankaria (67), Empreendedorismu (2). Fakuldade Direitu ho total estudante (80). Fakuldade CSH ho total Estudante (178) ne’ebé kompostu husi departamentu 4 hanesan Departamentu Relasaun Internasional estudante (79), Polítika Dezenvolvimentu (4), Estudu ba Paz (3), Administrasaun Públika (75). Fakuldade SPCM ho total estudante (433) ne’ebé kompostu husi Departamentu 7 hanesan Departamentu Jestaun , ADM Polítika Saúde (39), Siensia Nutrisaun (56), Siensia Saúde Ambiental (19), Saúde Reprodutiva (26), Siensia Epidemologia (32), Bositatistika no Sistema Informasaun Saúde (4), Siensia Enfermagen (257). Fakuldade Enjeñaria ho total Estudante (107), ne’ebé kompostu husi Departamentu 3, hanesan Departamentu Arkitetura estudante (22), Enjeñaria Indústria (10), Sivil (75). Fakuldade Tek. Agrikola ho total estudante (12), ne’ebé kompostu husi Departamentu 2, hanesan Departamentu Jestaun Alimentar estudante (2), Konservasaun Rekursu Naturais (10). Bolsa Estudu ba Departamentu Empreendedorismu ho total estudante 25, Estudu ba Paz 17. Total estudante teste ba etapa daruka nian hamutuk (967)