JUDISISTA FTA 38 SERIMONIA JUDISIUM BA DALA XV

#UNPAZ# 13 DEZEMBRU 2021

JUDISISTA FTA 38 SERIMÓNIA JUDISIUM BA DALA XV

Dili-Universidade da Paz (UNPAZ) liuhusi Fakuldade Teknologia Agrikola nia Deparatamentu Teknologia Prosesamentu Aihan no Departamentu Konservasaun Rekursu Naturais hala’o Serimónia Judisium ba dala Sanulu resin lima XV (15) ho total judisista tolunulu resin ualu (38) ba etapa dahuluk ho tema jeral "Husi Teknologia Prosesamentu No Konservasaun Rekursu Naturais Bele Sustenta Produsaun Ho Diversifikasaun Produtu Agrikola, iha Salaun José Kasimeiru (13/12).

Magnifiku Reitór, Universidade da Paz, Dr. Adolmando Soares Amaral, Lic, Eco. MM. Hateten Universidade da Paz la monu de’it husi loron no Universidade da Paz lasa’e de’it mós husi rai, Universidade da Paz mai husi ita bo’ot sira no mai husi estudante sira no mós mai husi antigus alunus UNPAZ no Dosente sira inklui Funsionariu ba to’o ita nia Fundador sira iha Fundasaun Neon Metin, ida ne’e mak ohin loron ita hotu iha ne’e ita bele haree UNPAZ.

Nia reforsa, Ita esperera katak, iha tinan lima mai sei bele iha Mudansa, mudansa sira ne’e hotu bele akontese, Wainhira ita sira ne’e hamutuk fó apoiu ba malu no suporta malu, ha’u fiar katak ita sei organiza a’an no Universidade ida ne’e sei di’ak liu tán.

"Judisista sira, wainhira ita bo’ot sira hetan oportunidade atu asumi kargu ruma kualker pozisaun, maka pozisaun sira ne’e ita bo’ot sira tenki haree ho responsabilidade, labele haree hanesan oportunidade, enkuantu ita bo’ot sira haree ida ne’e hanesan responsabilidade, ita bo’ot sira tenki sakrifika ita bo’ot sira nia a’an no tenki sai atan hodi hare ba povu nia moris no dezenvolvimentu ba rai ida ne’e", tenik Reitór.

Dekanu Fakuldade Tekonologia Agrikola, Sr. Jonio dos Santos,.M. Agr.,hatutan ita nia lideransa ida ne’ebé ho esperitu dezenvolvimentu ho nia matenek, hodi mai ho lema ida, Reforma no Kualidade, liafuan Reforma no Kulidade ne’e ita bele ko’alia, maibe ne’e la’os fasil atu bele realiza, atu Reforma ne’e prosesu bo’ot ida, Kualidade ne’e mós prosesu bo’ot ida.

Nia hatautan, maibe ita nia lideransa ne’ebé mai ho matenek no dedikasaun tomak ho nia estrutura no korajen bo’ot ita konsege ultrapasa dezafiu lubuk ida, ohin ita nafatin tur iha ne’e hodi hala’o ita nia serimónia judisium, agradese ba inan aman sira nia esforsu ohin loron ita bo’ot sira bele tur iha fatin ne’e.

"Ha’u sadik ita bo’ot nai’in tolunulu resin ualu ne’e(38), aban bairua depois imi remata husi fatin ne’e, kria rasik servisu ba imi nia a’an, nomós bele aijuda fali ema seluk hodi servisu ne’ebé imi rasik kria", dehan Sr. Jonio.

Reprezentante Inan Aman, Sr. Mario Cardoso, Salienta, ami la iha buat murak ida atu hato’o ba Magnifiku Reitór no Estrutura tomak inklui dosente sira iha Universidade da Paz, ami hato’o de’it ami nia agradesementu bo’ot tebes, ho imi nia matenek hodi eduka sira, ohin loron sira bele termina estudu hodi ba aplika fali iha komunidade.

Aliende ne’e, reprezentante Judisista, Sabino Mendes de Jesus. Lic.,Tec.,Agr, dehan ba manorin sira durante tinan haat, laiha ita bo’ot sira, ohin loron ami labele hetan titulu ida ne’e, ami laiha buat ida atu fó ba manorin na’in sira, maibe ami nia orasaun nafatin atu nune’e aman Maromak bele haraik nafatin tulun no esperitu isin di’ak nafatin, atu bele sai nafatin servidor ba iha Universidade da Paz, ba jerasaun sira tuir mai sei presija tebes ita bo’ot sira nia matenek.

"Agradese wain ba inan aman no familia sira hotu ne’ebé durante tinan haat ita bo’ot sira apoiu ami, no ohin loron ami bele hamrik iha fatin ida ne’e sai hanesan judisista no la kleur ami sei termina ami nia graduasaun",haktuir Judisista Sabino.

Partisipa iha Serimónia Judisium FTA husi, Magnifiku Reitór, Universidade da Paz, Dr. Adolmando Soares Amaral, Lic, Eco. MM. Prezidente Fundasaun Neon Metin Ho Estrutura tomak, kompostu husi Pro Reitor sira, Dekanu Fakuldade Deen, Xefe Departamentu sira, Diretór/a Unidade sira, Dosente, Funsionariu, Inan Aman, Komvidadus hotu, Judisista sira, inklui Estudante sira hotu iha UNPAZ.