JUDISISTA 184 FAKULDADE DIREITU SERIMONIA JUDISIUM BA DALA XV

#UNPAZ# 15 DEZEMBRU 2021
JUDISISTA 184 FAKULDADE DIREITU SERIMÓNIA JUDISIUM BA DALA XV

Dili-Universidade da Paz (UNPAZ) liuhusi Fakuldade Direitu hala’o serimónia Judisium ba dala sanulu resin lima (15) tinan akadémiku 2021-2022 ho total Judisista atus ida ualu nulu resin haat (184) ho tema jeral iha Judisium ne’e ”Aderénçia Aos Principios Constitusionais No Contexto Da Construção do Estado Timorense”, iha Salaun José Kasimiru (15/12).

Magnifiku Reitór Universidade da Paz, Dr. Adolmando Soares Amaral,m Lic.Eco.,MM. hateten lori naran sivitasa akadémika UNPAZ nia naran hakarak, agradese ba inan aman ne’ebé kontinua afirma ita bo’ot sira nia pozisaun hodi haruka oan sira nafatin mai aprende siénsia no teknologia iha UNPAZ.

Kualidade la’os ita mak tenki gaba a’an, maibe kualidade ema seluk mak tenki mai avalia ita, ema haree ita nia preparasaun, oinsa ita bele organiza no oinsa ita bele produz ita nia rezultadu husi ita nia produtu sira merkadu bele konsumu ida ne’e mak kualidade.

”Wainhira ita bo’ot sira hetan oportunidade ba iha pozisaun ruma, labele haree pozisaun ne’e hanesan oportunidade, maibe ita bo’ot sira tenki haree pozisaun ne’e ho responsabilidade, ita bo’ot sira la’os atu ba ukun, maibe ita bo’ot sira atu ba servi no sai atan ba povu ida ne’e”,dehan Reitór.

Dekanu Fakuldade Direitu, Sr. Leonito Ribeiro , SH. MH. Hatutan, ohin loron haksolok ba judisista sira no inan aman sira, imi nia sakrifisiu tinan hirak liuba determina ho susesu, hodi hetan titulu iha Lisensiatura.

Nia Salienta, Sai jurista tenki defende lei no orden, sai Lisensiaadu/a responsabilidade bo’ot no aplika matenek iha komunidade, ohin ofisialmente ami husik imi ba sosiedade ho imi nia matenek, tanba ita nia povu hein, familia hein, komunidade hein, nasaun hein, imi nia matenek sira ne’e.

”Ha’u sadik imi atu rona imi nia matenek iha komunidade, buat prisipiu tolu imi bele komunga iha sosiedade nia le’et, primeiru hatudu imi nia intelektualidade, segundu hatudu imi nia badaen, terseiru hatudu imi nia atetude”,tenik Sr. Leonito.

Reprezentante Inan Aman, Sr. Sergio Mane Haat, hato’o votus parabens ba judisista sira hotu ne’ebé ohin loron marka ona oportunidade di’ak, hodi sai heroi ba nasaun iha UNPAZ, Agradese wainn ba estrutura Universidade da Paz, ne’ebé mak fó ona oportunidade no biban ba ami nia ona sira hodi aprende iha UNPAZ, agradese mós ba korpus dosente husi Fakuldade Direitu ne’ebé durante ne’e sakrifika no enerjia tomak motiva ami nia oan sira, ohin loron bele finaliza sira nia estudu.

”imi mak hanesan mata dalan, imi mak hanesan heroi hodi kontinua luta ba prosesu konstrusaun estadu no ba nasaun, matenek ne’ebé imi iha hodi servi ba estadu no nasaun, Labele husu saida ba nasaun, maibe koko atu halo buat ruma ba nasaun”, haktuir Sergio.

Reprezentante Judisista, Adriano da Conseição Moniz, katak, ohin loron Universidade da Paz marka tán historia ida iha Fakuldade Direitu, realidade produz Lisensiatura lubuk ida ne’ebé durante ne’e aprende iha UNPAZ, Agradese ba UNPAZ, espesialmente Fakuldade Direitu, ne’ebé liuhusi Dosente no manorin na’in sira nia kontribuiasaun hodi ami bele hakat ba pasu ne’e, hodi atinji ami ida-idak nia mehi.

”UNPAZ hanesan mahon ida ba edukasaun, hodi ami lubuk ida ne’e bele aprende no eduka hodi eleva ami sai madoru liu tán iha nível intelektual nian, hodi kontribui ba dezenvolvimentu iha rai ida ne’e”,tenik Adriano.

Partisipa iha Serimónia Judisium Fakuldade Direitu, Magnifiku Reitór Universidade da Paz, Dr. Adolmando Soares Amaral,m Lic.Eco.,MM. Sr. Dr. Deonizo Babo, SH.,Master of Sine,.Phd. Sra. Dra. Lucia Maria Lobato. SH, MH, Estrura Tomak Kompostu husi Pro Reitor sira, Dekau Fakuldade Neen, Xefe Deparatmentu sira Diretór/a Unidade sira, Dosente, Funsionariu, Inan Aman, Komvidaus hotu, Judisista sira, inklui Estudante hotu iha UNPAZ.