JSMP SAI ORADOR BA ORIENTASAUN ESTUDANTE FOUN TINAN AKADEMIKU 2021-2022

JSMP SAI ORADOR BA ORIENTASAUN ESTUDANTE FOUN TINAN AKADEMIKU 2021-2022

Dili-Universidade da Paz (UNPAZ), liuhusi Diretóra Ana Paula Marcal, JSMP ho ekipa hala’o palestra ba estudante foun tinan akadémiku 2021 -2022, iha Salaun José Kasimiru (03/03)horseik.

Diretóra Ana Paula Marcal. hateten papel JSMP nian maka atu halo monitorizasaun iha tribunal sira iha Timor-Leste nomós ba iha Parlamentu Nasional, depois ami mós iha tán programa ida mak fó asistensia ba vitima feto no labarik sira, karik ami simu keixa husi vitima feto ho labarik programa ida ne’e ami hahú iha 2020, husi ami nia programa sira ne’e ami halo audensia ho vitima sira para ita bele halo mudansa ba sira liu husi siminariu no edukasaun sivika ba sira.

“Ho ida ne’e ami mós iha tán programa ida maka atu tau matan ba vitima sira ne’ebé hetan violasaun seksual husi nia aman rasik ou familia rasik, tamba kazu ne’e akontese barak ona iha ita nia rain, karik alin sira hare kazu ne’e akontese besik iha uma bele hato’o keixa mai ami, serivu prinsipal ne’ebé maka ami halo maka halo monitorizasaun ba vitima sira ne’ebé ba iha tribunal la hatene tetun ami bele halo monitorizasaun ba sira para sira bele hetan justisa ne’ebé justu iha tribunal”,dehan Nia.

Partisipa iha palestra ne’e estudante foun tinan akademiku 2022 no estudante orientador sira inklui mós komisaun organizador ba atividade orientasaun nian.