INTERNATIONAL SEMINAR MEMORANDUM OF AGREEMENT (MoA) ENTRE UNPAZ HO STIKES

INTERNATIONAL SEMINAR MEMORANDUM OF AGREEMENT (MoA) ENTRE UNPAZ HO STIKES

Dili-Universidade da Paz (UNPAZ) liuhusi Fakuldade Saúde públika e Ciensia Medica (FSPeCM) realiza International Seminar Memorandum Of Agreement (MoA) entre UNPAZ ho STIKES Mutiara Mahakam Samarinda Indonesia, iha salaun Katedral (17/07).

Magnífiku Reitór UNPAZ, Dr. Adolmando Soares Amaral, Lic.Eco.,MM husu ba estudante sira atu aproveita didi’ak oportunidade husi kooperasaun ne’ebé iha liu-liu parte prátika Saúde públika e ciénsias medicas ninian ba futuru.

“Ba estudante sira aproveita servisu hamutuk ho instituisaun rua ne’e tanbá sira besik liu Malásia no New-zelándia ne’ebé iha cabang atu haruka estudante ba tuir prosesu apriendisazem, semináriu no peskiza. Ita aproveita servisu hamutuk ho sira atu ba oin ekipa ida sei ba fali iha ne’ebá, atu haree instalasaun auditoria. Tan ne’e, ita hahú organiza aan prepara kondisões atu investe estrutura, investe ba rekursu umanu ita legaliza hodi nune’e haree ba progresu diskusaun ne’ebé iha ona”, tenik Reitór.

Magnífiku Reitór afirma, ita tenki hahú halo laboratóriu, aula prátika no ita tenki aproveita instituisaun rua ne’ebé mai iha timor, atu nune’e bele haruka estudante sira ba prátika iha ne’ebá. Tanbá tinan sanulu mai saúde iha timor UNPAZ mak tenki ko’alia barak, ita hakarak UNPAZ mak autór ba saúde iha timor no ita hakarak ita-nia kompetitór iha timor, sira tenki apriende husi ita iha situasaun ne’ebé mak ita sei prátika ba oin.

Iha fatin hanesan, Hj. Herni Johan, SE.,SMK.Si.,M.Kes.PhD, informa Kooperasaun ne'e ho nia durasaun ba tinan lima no objetivu STIKES mai UNPAZ, liu-liu estudante husi FSPeCM atu haree ba prátika iha laboratóriu STIKES, tanbá ami-nia Universidade mós apriende ba siénsia Saúde nian. Ho fiar katak UNPAZ no STIKES Mutiara Mahakam Samarinda Indonésia, liu-husi FSPeCM sei servisu hamutuk ho di’ak iha futuru, hodi implementa peskija, estájiu sosiais iha komunidade no halo públikasaun ba jornál.

Iha sorin seluk Chief of STIKES Dirhagayu Samarinda, Ns Vinsensia Tetty S.Kep.,M.Kep, klarifika ohin kontinusan ba asina MoA ho FSPeCM, ne’ebé hala’o ona iha fulan abril liubá. Ba futuru ami sei servisu hamutuk, oinsá halo modul ka livru ba siénsia saúde nian nomós laboratorium ba estudante sira atu prátika. Nune’e, UNPAZ ho STIKES Samarinda sei esforsu atu bele determina kualidade estudante sira ba futuru Timor-Leste ho Indonesia.

Aliende ne’e, Dekanu FSPeCM, Dr. Martinus Nahak Lino, AMKL.,Lic. SP.,M.,AP.,M.,SP. salienta loron ohin ami familia boot UNPAZ liuhusi FSPeCM senti kontenti ho prejensa delegasaun husi universitas STIKES Mutiara Mahakam Samarinda, no STIKES Dirgahayu Samarinda Kalimantan Timur Indonesia, hodi bele selebra Asina Nota de Memorandum Agreement ho FSPeCM-UNPAZ, ho STIKES Mahakam Samarinda, no STIKES Dirgahayu Samarinda Kalimantan Timur.

"Kooperasaun ne'e FSPeCM UNPAZ atu kontinua servisu hamutuk iha área siénsias da saúde nian ne'ebé Magnífiku reitór asina ona MoU iha Fulan Abril ba kotuk tinan ne'e, nomós ohin ita la'os ona asina MoA de'it maibé kontinua mós semináriu internasionál ba loron hirak tuir mai. Nune'e husu ba estudante no dosente atu konsentra hodi bele intende matéria ne'ebé oradór sira fahe",dehan Dekanu FSPeCM.

Entretantu Speakers ba semináriu internasional mak hanesan; Prof. Dr. Nelson Martins, S. Ked., GCert.,PH.,MHM.,Ph.D. Dr.H.Haeruddin, M.Si, Siti N oorbaya, S. SiT., M.Kes. Nurhasanah, SKM., MARS. Hetan patrtisipa husi estrutura FSpeCM, Dosentes Funsionariu inklui Estudante sira.