![INSTITUISAUN PROTESAUN SIVIL NO JSMP APREZENTA PAPEL SERVISU BA ESTUDANTE FOUN AKADEMIKU 2023](https://unpaz.tl/asset/foto_berita/072.jpg)
INSTITUISAUN PROTESAUN SIVIL NO JSMP APREZENTA PAPÉL SERVISU BA ESTUDANTE FOUN AKADEMIKU 2023
Dili-Universidade da Paz (UNPAZ), liuhusi orientasaun loron daruak hetan orádor prinsipál husi, Prezidente Autoridade Protesaun Sivil no reprezentante Judicial System Monitoring Program (JSMP) fó palestra ba estudante foun sira kona-ba “Papél Servisu Instituisaun Protesaun Sivil no JSMP nian”, iha Salaun José Casmiro (03/03).
Iha palestra ne’e, Prezidente autoridade protesaun sívil superintendente polísia Ismael da Costa Babo hateten Prezensa protesaun sívil mai iha universidade da paz, atu fó koñese ba estudante akadémikus sira kona-ba protesaun sívil nia ezisténsia.
“Pontus importante husi palestra ohin instituisaun sívil nu’udar institisaun foun tan ida ne’e mak ohin loron ita mai hodi aprezenta hela ba ita-nia estudante sira jerasaun foun ba líder futuru timor-leste atu sira bele hapar progresu saida mak governu halo liuhusi protesaun sívil. Tanbá protesaun sívil ne’e iha pilar tolu mak; sistema seguransa nasionál, defeza seguransa interna no protesaun sívil, importante ita mai fahe ba sira atu nune’e sira bele hatene no ita mós enkorája sira atu sira bele estuda, apriende no prepara sira nia aan sai líder ba futuru liuhusi akadémiku ne’ebé sira hala’o estudu durante tinan haat nia laran, dezafíus saida mak sira apriende iha universidade to’o tinan haat sira gradua sira bele dezenvolve nasaun” dehan pezidente autoridade protesaun sívil.
Iha fatin hanesan, reprezentante JSMP, Sra. Lola Menezes, agradese ba Universidade da Paz, bele konvida JSMP mai fahe papel JSMP nian ba kandidatu estudante foun tinan akadémiku 2023, JSMP nia objetivu mak atu halo monitorizasaun ba prosesu julgamentu ih Jakarta Indonesia no painél espesiál imigál iha Timor-Leste.
"Ami la’os halo monitorizasaun imigável, maibé ami mós halo monitorizasaun ba iha painél sira ne’ebé julga iha tribunal sira hotu inklui mós tribunal rekursu, atu dehan de’it katak JSMP úniku organizasaun sivil ida ne’ebé halo monitorizasaun ba iha tribunal, aleinde ne’e ami mós fó asisténsia legal ba vitima sira ne’ebé ba jéneru. Ami mós halo edukasaun legal liuhusi fahe informasaun ba ita-nia komunidade sira, oinsá mak atu asesu ba iha justisa formál liuhusi dalan saida mak sira uza hodi asesu ba iha justisa formal ne’e rasik. Nune’e ami mós halo advokásia atu halo mudansa ba lei ruma ne’ebé iha", dehan Nia.
Partisipa iha palestra ne’e, Prezidente Autoridade Protesaun Sívil Superintendente Polísia, Ismael da Costa Babo, ho Ekipa, reprezentante JSMP, Sra. Lola Menezes, ho Ekipa, nomós partisipa masimu husi Sivitas Akadémiku Universidade da Paz.