INSS-FRSS HALO SOSIALIZASAUN SEGURANSA SOSIAL IHA UNPAZ
Dili-14 Marsu 2025, liuhusi Institutu Nasional Seguransa Sosial no Fundu Rekursu Seguransa Sosial (INSS-FRSS) halo sosializasaun kona-bá programa seguransa sosial ba Dosente no Funsionariu UNPAZ, iha Salaun José Kasimiru.
Prezidente INSS-FRSS, Arlindo Pinto hateten sistema siguransa sosial ne’ebé bazeia ba konstituisaun RDTL nomós padraun internasional ne’ebé ko’alia kona-ba direitu ba ema hotu ba seguransa sosial nian.
Seguransa sosial ne’e atu proteje traballador sira ne’ebé servisu iha instituisaun estadu no privadu inklui halo servisu rasik hodi bele kontribui ba seguransa sosial, nune’e bele proteje ita iha tempu sira tuir mai”,dehan Preziente INSS-FRSS.
Iha fatin hanesan, Magnífiku Reitór UNPAZ, Dr. Adolmando Soares Amaral, Lic. Eco.,MM. hateten hanesan instituisaun akadémiku fó nafatin responsabilidade apoiu no moral atu hala’o servisu ho di’ak, tanba ne’e ita tenki fó hanoin duni ba malu, nune’e ita bele organiza malu la’o ba oin.
UNPAZ nafatin apoiu imi nia servisu hanesan Funsionariu no Dosente hodi nune'e bele fó imi nia direitu liu husi Salario iha seguransa sosial.
Entretantu iha sosializasaun ne’e, sosializa direta husi Prezidente INSS-FRSS ho ekipa, partisipa husi Magnífiku Reitór UNPAZ, Dr. Adolmando Soares Amaral, Lic. Eco.,MM. estrutura senadu Universidade no senadu Fakuldade, Pro-Reitores, Diretor/a Xefe Unidade sira hotu, dosente inklui Funsionariu sira hotu ih Universidade da Paz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
