![INSERAMENTU FORMASAUN (GFD) ESTAJIU PROFISIONAL NAIN TOLU IHA UNIVERSIDADE DA PAZ](https://unpaz.tl/asset/foto_berita/305660113_807379344047353_1230292515735504629_n.jpg)
INSERAMENTU FORMASAUN (GFD) ESTAJIU PROFISIONAL NAIN TOLU IHA UNIVERSIDADE DA PAZ
Dili- Universidade da Paz ( UNPAZ) liu husi formasaun estajiadu sira husi Grace For Development (GFD) hala’o sira nia estajiu iha Universidade da Paz durante fulan rua nia laran ,iha Sala Vise Reitor IV (07/09).
Vise Reitor Asuntu Kooperasaun, Sr. Luis Pereira Cardoso, Dip.Cs.Lic.CSH.MA. Mcs, hateten, ohin tempu ne’ebé ikus liu ba sira nain tolu no sira nain tolu mai husi Formasaun GFD ne’ebé hala’o sira nia estajiu iha UNPAZ hahu husi fulan Juniu liu ba nia durasaun fulan rua nia laran, ne’e sira remata ona sira nia estajiu ou servisu voluntariu iha ne’e.
“Ami agradese tebes ho sira nia prezensa iha ne’e tanba teknikamente sira mai ajuda ekipa IT nian no inklui mos iha Media Center sira halo knar no ajuda ne’ebé kapas tanba wainhira atividade ne’ebé iha dalaruma ami nia funsionariu sira la to’o sira konsege ajuda i ultrapasa problema sira ne’e no inklui mos sira foti imajen ka foto sira ne’ebé atividade Universidade da Paz nian ne’ebé durante fulan rua nia laran, sira iha ne’e no ida ne’e mos parte ida husi kooperasaun ninian ne’ebé iha Universidade da Paz, halo organizasaun sira inklui organizasaun Internasional nomós organizasaun lokal hodi hasa’e kapasidade rekursu humanu baTimor oan sira,” dehan Vise Reitor.
Vise Reitor reforca, ita espera katak ho saida mak sira aprende iha ne’e sir abele aplika no bele ajuda iha sira nia instituisaun i depois liu husi sira nia instituisaun ne’e sira bele dezenvolve diak liu tan sira nia matenek no badaen ne’ebe sira hetan husi Universidade da Paz, fatin sira nebe sira tuir formasaun ba.
Hanesan Universidade suasta ne’ebe bo’ot iha Timor ita pronto nafatin simu voluntariu sira no estajiadu sira mai halo estajiu iha ne’e bele aprende no mos hetan esperensia balu husi ami nia funsionariu sira ne’ebé mak iha ona esperensia klea’n i depois sira mós aplika esperensia ne’ebé sira hetan iha ne’e sira bele aplika fali iha sira nia fatin formasaun ou fatin ne’ebe karik sira servisu ba.
Partisipa iha atividade inseramentu ne’e Vise Reitor Asuntu Kooperasaun, Sr. Luis Pereira Cardoso, Dip.Cs.Lic.CSH.MA. Mcs, no nia Funsionariu, inklui mos estajiadu nain tolu.