INFLUENSIA KOINESEMENTU NO ATITUDE ADOLESENTE FETO KONA BA MUDANSA FIZIKU WAINHIRA PUBERDADE IHA ENS

INFLUENSIA KOINESEMENTU NO ATITUDE ADOLESENTE FETO KONA BA MUDANSA FIZIKU WAINHIRA PUBERDADE IHA ENSINU SECUNDARIA GERAL PUBLICO, SALA PARALELO BOGORO, POSTU
ADMINISTRATIVU BAZARTETE, MUNISIPIU LIQUICA TINAN 2020

1 Imaculada Pereira Ximenes, 2 Felisbela A. o. de oliveira, 3 Oscar Seixas da Cruz
Faculdade Saude Publica, Universidade da Paz

Abstratu

Faze adolesente hanesan faze transisaun ba moris individu nian ne’ebé hasoru mudansa husi faze labarik to iha faze adolesente. Limitasaun idade iha faze adolesente hahu husi idade 12-24. Iha mundu total adolesentes ne’ebé idade 10-19 kuase 18% husi total populasaun kuase 1.2 miliaun adolesentes (OMS;2008). Mudansa fisikolojia hanesan karakteristika husi prosesu biolojia iha faze puberdade ba fisiku ne’ebé lais no lakondis ho mentalidade. Mudansa fisiku akontese inklui kresimentu orgaun reproduktivo hodi atingi maturidade nune’e bele kontinua funsaun reprodusaun. Mudansa ne’e sai duvidas boot ba adolesente tantu feto no mane. Metodu peskiza deskriptivu kuantitativu ho aproximasaun Cross-Sectional. Populasaun hamutuk 104 adolesente feto, amostra 51, teknika foti amostra proportional stratified random. Teknika analiza dadus univariat ho bivariat no teste Chi Square. Rezultadu iha influensia ne’ebe signifikante entre koñesimentu adolesente feto p=0,012 (p<0,05), no atitudi adolesente feto p= 0.000 (p<0,05) konaba mudansa fiziku wainhira puberdade. Bazeia ba rezultadu ne’e, mak peskizador fo sugestaun ba parte relevantes presiza tau importansia ba programa saude reprodutiva, no implementa programa ne’e to iha nivel escola secundario sira iha teritorio Timor-Leste, ho nune’e bele hasa’e koñesimentu adolesente feto sira konaba saude reprodutiva.

Liafuan Save; Koñesimentu, Atitude & Puberdade.

Atu hetan detalho ba Jurnal Bele Klik iha ne'e

Download