IMPLEMENTASAUN METODU ANÁLISE SWOT HODI DETERMINA ESTRTÉJIA MERKADORIA (KOMPAÑIA FUABE UNIPESSOAL LDA, ATABAE, BOBONARO)

1Mateus Maia, 2Alemrindo Bianco Sequeira fakuldade Enjeñaria Departamentu Enjeñaria Indústria

Universidade Da Paz (UNPAZ) Mateusmaia1994@gmail.com sequieraalan@gmail.com

ABSTRATU

Merkadoria hanesan atividade ne’ebe servisu hamutuk ho merkadu hodi halo transformasaun ne’ebe fó satisfasaun no kompleta ema barak nia nesesidade, Merkadoria iha ninia partisipasaun ne’ebe maka’s lori fo susesu ba Kompañia ruma, ho ida ne’e iha atividade merkadoria bele lori produtu hakbesik a’an ba konsumidor atu sira bele koñese klean kona-ba produtu ne’ebe mak iha. Problema ne’ebe hakerek nain identifika iha kompañia Fuabe Unipesoal Lda, maka hanesan tuir mai ne’e kompañia la iha estratéjia promosaun produtu ba komunidade liu husi media hanesan publisidade, internet,no kuestionariu.

Objetivu hosi estudu peskiza ne'e mak atu buka hatene estratéjia merkadoria ba fa’an bloku ne’ebe maka iha kompañia Fuabe Unipesoal Lda produs, no atu determina estratéjia merkadoria ne’ebe maka estratéjiku iha Kompañia Fuabe Unipesoal Lda ho metódu SWOT.

Tékniku kolesaun dadus ho kestionáriu, tékniku análise dadus ho análise SWOT, rezultadu hosi estudu ne'e mak hanesan tuir mai ne'e: Estratéjia merkadoria Kompañia Fuabe Iha pozisaun kuadrante 1 mak estratéjia Agresivu no estratéjia ne’ebe kompañia Fuabe bele aplika mak estratéjia Grow and Build ne’e signifika katak Estratéjia Merkadoria ne’ebe Estratéjiku ba Kompañia Fuabe bele hala’o nia atividade produsaun bloku maibe tenke hadia frakeza no ameasa sira ne’ebe iha, Kompañia Fuabe iha forsa ne’ebe bo’ot tebes hodi hadia frakeza ne’ebe mak iha. Kompañia Fuabe iha oportunidades ne’ebé bo’ot tebes,maibé iha parte seluk sei hasoru sasatan/Ameasa externa balun mak hanesan kompetisaun fa’an bloku ne’ebe maka’as entre Kompañia Fuabe ho kompañia sira seluk.

Foku husi estratéjia Kompañia ne'e nian mak atu minimiza Kompañia nia problema interna ho externa sira hanesan Frakeza no Ameasa sira atu nune'e bele hadau oportunidade sira ne'ebé di'ak liu.

Lia-fuan Xave : Análise Estratéjia Merkadoria, Métodu SWOT.

Atu Hetan Detalho Ida Ba Jurnal Bele Klik Iha Ne'e: