GRUPU IDA-IDAK RESPONSABILIZA SERVISU KONSTRUSAUN MORU IHA KAMPUS B LIQUISA

GRUPU IDA-IDAK RESPONSABILIZA SERVISU KONSTRUSAUN MORU IHA KAMPUS B LIQUISA

Dili-Universidade da Paz (UNPAZ) nia estrutura senadu universidade ne'ebé kompostu husi Gabinete Reitoradu, Fakuldade neen, Unidade sira, Programa estudu, Dosentes nomós Funsionariu sira, kontinua servisu tuir despaixu ne'ebé universidade hasai liuhusi rekursu umanu hodi apoiu servisu ne'ebé seidauk finaliza husi estájiadus sira tinan akadémiku 2023, iha Kampus UNPAZ B Liquisa (22/04).

Primeiru Vice Dekanu Fakuldade Direitu, Sr. Julio Manuel, Lic.Dir.,M.Dir. hateten, fakuldade direitu servisu komesa horseik, bazeia ba despaixu ne'ebé mak iha, tanbá ne'e sei servisu tuir estrutura, fakuldade nomós estudante sira.

"Servisu ida ne'e presiza ita hotu nia hamutuk no kolaborasaun di'ak, nune'e ita bele finaliza lalais ita nia atividade ne'ebé iha", dehan Nia.

Iha fatin hanesan, Primeiru, Vise-dekanu Fakuldade Agrikola Sr. Paulino da Costa Sarmento Lic.Tec.M.,Agr. Katak bazeia ba despaixu ne'ebé hatún husi universidade mai iha fakuldade sira atu apoiu servisu estájiu iha Kampus B UNPAZ Liquisa.

"Iha fakuldade agrikola, nafatin servisu ho estrutura sira, tanba ne'e mak ita konsege remata ona fondasi sira, importante liu mak materiál sira tenki kompletu, para ita bele servisu ho di'ak",Nia Informa.

Sorin seluk, Segundu Vise-Dekanu Fakuldade Enjenaria Sr. Eustaquio A.A.P.Soares Lic.Tec. salienta depois de inisiu Magnífiku Reitór hasai despaixu liuhusi rekursu umanu, tanba ne'e mak ita asegura kedas, ida ne'e parte ida hanesan kultura ida desde saudozu nia tempu, amizane ho ambiente ida hanesan ne'e ita nafatin asegura.

"Tanba ne'e ita haree katak, partisipasaun husi Dosente sira mós másimu tebes, maibé ami mós simu kna'ar hanesan ekipa supervizaun, ho ida ne'e labele lakon responsabilidade hodi koloka, Dosentes balu iha Kampus sentrál no balun iha Kampus B Liquisa, ho ida ne'e ita kolabora hamutuk entre Dosente no estudante sira para ita bele finaliza tiha obra ida ne'e", katak Segundu Vise-Dekanu Fakuldade Enjeñaria.

Aliende ne'e, Primeiru, Vice Dekanu Saude Sr. Oscar Seixa da Cruz Lic.SP.,M.SP. esplika atividade servisu ita komesa horseik, parte fondasi nian ita remata ona, agora dadauk ita kontinua silu besi sira, para aban sira ne'e ita bele hada ona batako.

"Fakuldade saúde públika hetan mós ajuda husi estudante sira hotu, loloos ne'e horseik, ami kontinua kedas silu besi ba sinta no ai rin nian, maibé komu materiál tarde ituan, tanba ne'e, mak ohin ami foin kontinua fali ne'e", dehan Nia.

Parte seluk mós husi, Primeiru Vise-Dekanu Ekonomia Sr. Jose da Silva Lic.Eco.MM. hateten progresu servisu fakuldade ekonomia horseik konsege remata ona fondasi, ohin ita kotinua kesi besi hodi bele fui sinta ona.

"Maske matéria tarde ituan, maibé ita pasiénsia ho fuan bo'ot ba universidade, tanba ne'e mak estrutura fakuldade nafatin servisu hamutuk ho estudante sira iha ami nia parte, nune'e bele finaliza lalais servisu ida ne'e", Nia subliña.

Iha fatin hanesan mós, Pdt. Sr. Samuel Carlos Reibeiro Stg.M.AP husi Fakuldade CSH, argumenta ita hotu iha UNPAZ, ita tuir Orientasaun husi Magnífiku Reitór katak, husi fakuldade sira sei apoiu servisu ne'ebé seidauk bele remata husi estájiadus tinan akadémiku 2023 nia iha Kampus B Liquisa.

"Tanbá ne'e ami husi estrutura fakuldade CSH hamutuk ho Dosente Funsionáriu nomós estudante sira apoiu servisu másimu tebes, hodi hola parte iha servisu fíziku nian komesa horseik to'o ohin",tenik.

Entretantu tuir observasaun média nian ita terenu katak, atividade konstrusaun moru iha Kampus Liquisa, servisu másimu husi fakuldade sira, inklui husi Universidade nian, Unidade sira nomós Estájiadus sira hotu iha Kampus B UNPAZ Liquisa.