![GRUPU ESTAJIU 21-22 RESPONSABILIZA ESTASIONAMENTU ESTRUTURA SENADU UNIVERSIDADE](https://unpaz.tl/asset/foto_berita/2210.jpg)
GRUPU ESTAJIU 21-22 RESPONSABILIZA ESTASIONAMENTU ESTRUTURA SENADU UNIVERSIDADE
Dili-Universidade da Paz (UNPAZ) nia estudante estájiadu/a husi grupu 21-22 ne’ebé responsabiliza parkirang/estasionamentu ba estrutura senadu universidade nian, nafatin hala’o atividade tuir grupu ida-idak nian ne’ebé deside ona tuir orientadór sira, iha Kampus UNPAZ Dili (30/03).
Dosente Orientadór, Sr. Inacio de Andrade Lourdes, Lic.,Tec. hateten atividade ne’ebé ami husi grupu rua hanesan grupu 21-22 hala’o kona-ba parkirang ba estrutura senadu universidade nian, hahu husi inisiu to’o ohin loron la’o ho di’ak.
“Ha’u garante katak, ami nia grupu ne’ebé esponsabiliza ba parkirang molok tama 30 dias, bele finaliza ona, tanba ne’e husu ba estudante atu atu partsipa masimu tanba ida pasparte ida husi aprendisagen nian, ho ida ne’e presiza ita bo’ot sira kopera nafatin”,Nia dehan.
Orientadór ne’e hatutan, durante hahu estajiu, estudante sira partisipa masimu tebes iha atividade ida ne’e, tanba haree ba srvisu, mane sira mak servisu fiziku no feto sira servisu kona-ba tein nomós atividade sira seluk ne’ebé ladun todan.
Iha fatin hansan, Reprezenta Estudante Estájiadu/a, Aliança de Jesus Araújo dos Santos, akresenta servisu ne’ebé ami hala’o husi segunda to’o ohin loron mak ami halo kona-ba parkirang ba estrutura universidade nian, tuir lolo’o ne’e, estajiu ita ba iha komuniadde sira, maibe bazeia ba desizaun universidade nian, ita servisu de’it iha kampus.
“Esperiensia ne’ebé ami hetan husi estajiu sosial ida ne’e, maka ita pratika siensia ne’ebé mak durante ne’e ita hetan, nomós ita servisu hamutuk bele aprende buat ne’ebé ita seidauk hatene ita bele hatene’,tenik Estájiada Aliança.
Nia husu ba estudante estajiadu/a sira hotu, hanesan estudante ida ne’e ita nia dever, ita tenki partisipa masimu iha servisu ida ne’e, nune’e ita bele aprende siensia ne’ebé durante ita aprende iha aula, agora ita pratika, ida ne’e importante lo’os ba ita estudante nia futuru.
Entretantu tuir observasaun estudante estájiadu/a sira nafatin hala’o ida-idak nia servisu tuir grupu ne’ebé deside ona husi orientadór sira iha areadores kampus sentral UNPAZ Dili.