GHF FASILITA WORKSHOP BA ESTUDANTE 176 IHA UNPAZ

GHF FASILITA WORKSHOP BA ESTUDANTE 176 IHA UNPAZ

Dili-Universidade da Paz (UNPAZ) Liuhusi Prof. Don Eliseo Lucero-Prisno III, BSc (Hons), MD, PhD, MPH, MSc, FRSPH, PHEA. Founder Global Health Focus) no dr. Adriana Viola Miranda, MD (Regional Country Director of Asia in Global Health Focus, fasilita formasaun ho Tema "Global Health Emerging Leader Program" ba estudante hamutuk atus ida hitu nulu resin neen (176) ne'ebé kompostu husi estudante FSPeCM, UNTL, UNITAL no ICS, hodi ko'alia kona-ba (Understanding Global Health: Definition And Dimention Global Epidemiology Of Diseases Health Economics And Health Tecnology Assessment), iha Aula Prof. Dr. Lucas da Costa (10/08).

Dekanu FSPeCM, Sr. Cipriano do Rosario Pacheco, AMG.,Lic. SP.,M. Kes. hateten Siénsia lalimite ema atu baruk no siénsia la bandu no taka aan ba ema atu apriende, tanba ne'e labele baruk bainhira ita ko'alia kona-ba siénsia, ho ida ne'e ha'u fiar katak durante loron tomak imi tuir Workshop ida ne'e, espera katak ita boot sira apriende buat foun ruma iha loron ida ohin.

"Apresia ba imi hotu ne'ebé ohin tuir ona formasaun ida ne'e, tanba ne'e treinamentu la'ós para de'it iha ne'e, maibé sei akontese nafatin iha tempu sira tuir mai, nune'e bele prepara ita nia matenek no kontribui ba ita nia sosiedade liuliu ita ko'alia kona-ba problema saúde iha Timor-Leste",dehan FSPeCM.

Iha fatin hanesan, Nevizinia Lopes Doutel Sarmento Lic.,SP. treinamentu ida ohin ne'e, iha buat barak mak ami apriende, oinsá ita bele halo kalkulasaun ba iha vasina nian, hodi analiza ba nia kualidade sira, nomós bele hatene kona-ba Global Health nia servisu sira.

"Ohin ami apriende buat foun barak, iha matéria ne'ebé aprezenta, husi ida ne'e bele leleva ami nia koñesimentu, tanba ne'e esperiénsia ne'ebé ohin ami hetan, sei hatutan ba fali kolega sira liuhusi maneira sira hanesan, bele halo artikel badak ida bele Públika liuhusi média sosial sira, bazeia ba esperiénsia ne'ebé mak iha",tenik Nevizinia.

Partisipa iha Workshop ne'e, Dekanu FSPeCM, Sr. Cipriano do Rosario Pacheco, AMG.,Lic. SP.,M. Kes. ho Estrutura FSPeCM, Estudante UNTL, UNiTAL, ICS inklui UNPAZ.