GEM INSTITUTE DEZAMINA INFORMASAUN IELTS BA ESTUDANTE UNPAZ
Dili-28 Fevereiru 2025 Universidade da Paz (UNPAZ) liuhusi GEM Institute dezamina informasaun kona-ba Internasional English Language Testing System (IELTS) ba estudante sira, iha Salaun José Casimiro.
Vise-Reitora Asuntu Estudantil, Felisbela A. O. de Oliveira, Lic. SP.,M.SP. hato’o agradese no ben-vindu ba GEM Institute ne’ebé ho laran luak mai fahe informsasun IELTS nian ba estudante UNPAZ.
“Informasaun husi GEM Institute ne'e ko'alia kona-ba Importante IELTS nian ba estudante sira, oinsa bele hatene kona-ba lala’ok IELTS nian iha Timor-Leste, nune’e estudante sira mós bele hola parte iha GEM Institute nian”,dehan Vise-reitora Asuntu estudantil.
Vise ne'e husu ba estudante sira tenki kumpri no partisipa masimu iha atividade sira, tanba hanesan estudante presiza hatene informsasun importante, oinsa bele eleva imi nia koñesimentu no abilidade.
Atividade ne’e, abertura husi Vise-reitora Asuntu Estudantil, Felisbela A. O. de Oliveira, Lic. SP.,M.SP. partisipa husi estrutura Senadu estudantil Geral, Ekipa GEM Institute, inklui partisipa maksimu husi estudante Universidade da Paz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
