GABINETE REITORIA SIMU BAINAKA HUSI UNIÃO EUROPEIA
Dili-Universidade da Paz (UNPAZ) nia Xefe Gabinete Reitória, Sr. Leonardo Ximenes, Lic. SP., M.SP ho Diretor UA-AAE, Sr. Almerindo B. Sequeira, Lic.Tec., M.Eng simu bainaka husi União Europeia. Objetivu husi prezensa bainaka sira ne’e, hodi ko’alia kona-ba sosializa Bolsu estudu husi ERASMUS nian ba dosente no estudante sira iha UNPAZ, iha Aula Prof. Dr. Lucas da Costa (29/11/24).
Xefe Gabinete Reitória, Sr. Leonardo Ximenes, Lic.SP., M.SP, informa ohin ita simu bainaka husi União Europeia ne’ebé mai iha UNPAZ, hodi ko’alia kona-ba bolsa estuddu ERASMUS nian ne’ebé atu halo sosializasaun ba estudante nomós dosente sira iha UNPAZ ne’ebé iha interese atu aplika ba bolsa estudu husi ERASMUS nian.
“Ohin sira mai kordena ho UNPAZ atu prepara fatin, nune’e ekipa ne’e bele halo sosializa programa ne’e ba estudante no dosente sira ne’ebé interese atu aplika ba bolsa estudu”, dehan Xefe Gabinete Reitoria.
Nia saliente, ba dosente no estudante sira ne’ebé iha interese ba bolsa estudu husi ERASMUS nian bele partisipa iha dia 17 de Dezembru 2024, ne’ebé ekipa ne’e sei halo sosializa direta ba iha programa refere.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
