FUNSIONARIU HO ESTUDANTE SIRA HALO LIMPEZA GERAL IHA KAMPUS UNPAZ B LIQUISA

FUNSIONARIU HO ESTUDANTE SIRA HALO LIMPEZA GERAL IHA KAMPUS UNPAZ B LIQUISA

Dili-Universidade da Paz (UNPAZ) liuhusi Unidade Logistika no Patrimoniu organiza Funsionariu sira hotu nomós estudante sira hala'o limpeza geral, iha Kampus UNPAZ B Liquisa (29/04).

Xefe Unidade Logistika, Sr. Anastaçio S. dos Santos, Lic.Dir.,M. Dir. Hateten bazeia ba informasaun ne'ebé mak fo sai horseik katak, Funsionariu hotu-hotu hamutuk ho fakuldade enjeñaria hodi halo limpeza geral iha Kampus B UNPAZ Liquisa.

"Ita halo limpeza para ita nia ambiente iha Kampus ida ne'e bele mós, nune'e bele hala'o prosesu aprendisagen ho seguru",tenik Xefe Logistika.

Nia hatutan, fakuldade sira seluk mós ne'ebé mak seidauk finaliza sira nia servisu moru, nafatin kontinua hala'o servisu.

Xefe ne'e salienta, ohin ita hala'o limpeza iha ne'e kompostu husi Funsionariu sira hotu, hahú husi logistika, Patrimoniu, Jardineru inklui estudante sira hotu.

Tuir planu limpeza ohin la hotu, sei halo kontinuasaun depois de finaliza servisu husi fakuldade sira, sei organiza fali estudante fakuldade ida-idak atu hala'o limpeza, nune'e bele halo enseramentu ba programa estájiu iha ka.lus B UNPAZ Liquisa, Nia Subliña.