FUNDASAUN MAHEIN DEJAMINA INFORMASAUN BA ESTUDANTE UNPAZ

FUNDASAUN MAHEIN DEJAMINA INFORMASAUN BA ESTUDANTE UNPAZ

Dili-Universidade da Paz (UNPAZ), liuhusi Fakuldade Direitu ne’ebé servisu hamutuk ho Fundasaun Mahein hodi dejamina informasaun ba estudante sira iha UNPAZ kona-ba Politíka Seguransa Nasional iha Timor-Leste, iha Salau José Kasimiru (20/01).

Diretór Exekutivu Fundasaun Mahein, Sr. Sançho Xavier. Hateten liga ho topíku ne’ebé iha kona-ba Politíka Seguransa Nasionál iha Timor-Leste, oinsa atu involve estudante sira ba dezenvolvimentu seguransa, tanba Fudasaun Mahein nia papel ida mak atu fahe informasaun ba estudante hodi involve iha diskusaun sira ne’e.

“Importante liu ita bele halo advokasia, tantu sosiedade, estudante sira nomós públiku sira, oinsa bele dudu governu no estadu bele elebora, atu bele iha politíka seguransa nasinál, tanba politíka seguransa nasionál ne’e importante tebes ba estadu ida”,dehan Sr. Sançho.

Nia hatutan, diskusaun ida ne’e, ba estudante universidade sira, ami mós ko’alia ona ho autoridade lokal sira, inklui juventude sira, tantu iha Dili no Munisipiu sira.

Reprezenta Dekanu Fakuldade Direitu, Vice Dekanu III, Sr. Afonso Soares, Lic.Dir.,M.Dir. hateten alin estudante sira aproveita tempu ba, tanba Politíka Seguransa Nasionál iha Timor-Leste, importante tebes, oinsa ita bele fó hanoin mós liuhusi ita nia kontribuisaun no ideia ruma.

“Materia ne’ebé Fundasaun Mahein aprezenta ne’e, hanesan siéinsia ida ne’ebé bele aumenta tán ita nia koiñesimentu iha área sira ne’e, ita la’os mai eskola simu lo’os materia de’it, maibe ita mós bele aprende husi fatin seluk liu-liu NGO sira, Instituisaun estadu sira seluk, ne’ebé bele kontribui ba ita”,tenik Sr. Afonso.

Partisipa iha atividadee refere, Diretór Exekutivu Fundasaun Mahein, Sr. Sançho Xavier.ho ekipa, Dekanu Fakuldade Direitu. Sr. Leonito Ribeiro, SH.,MH. Vice Dekanu III, Fakuldade Direitu Sr. Afonso Soares, Lic.Dir.,M.Dir. nomós Estudante sira iha UNPAZ.