FUNDASAUN CODIVA ENSERA ONA FORMASAUN BA ESTUDANTE SIRA DURANTE LORON 3 IHA UNPAZ

FUNDASAUN CODIVA ENSERA ONA FORMASAUN BA ESTUDANTE SIRA DURANTE LORON 3 IHA UNPAZ

Dili-Universidsde da Paz (UNPAZ) Liuhusi Fundasaun Codiva ensera ona atividade formasaun durante loron tolu ba estudante FSPeCM nomós Estudante Fakuldade Direitu, ho Topiku training "SOGIESC"Promove no Oferese Asistensia Ba Ema Hotu lnklui Ema Ho Diversidade Hodi Sensivel Luta ba lnkluzaun, iha Aula FSPeCM (28/06/23) horseik.

Diretor Estrakurikuler, Sr. Quintiliano Fernandes Barros, Lic. SP.M. SP. hateten husi formasaun sira ne’e bele aumenta imi hotu nia koñesimentu, tanba bainhira ema ne’ebé mak iha koñesimentu ne’ebé mak di’ak, maka tenki liuhusi ninia investimentu tempu, maka nia sei rona no haree hodi sente, nune’e bele aumenta esperiensia, ho ida ne’e mak bele eleva nia koñesimentu, ho ida ne’e nia bele iha mudansa ba nia hahalok no atitude sira.

"Espera husi formasaun sira ne’e bele aumenta ita bo’ot sira nia koñesimentu, atu aplika buat ne’ebé mak lo’os, iha ita bo’ot sira nia komunidade, ida ne’e importante teb-tebes, ita bo’ot sira mós labele fraku atu tuir nafatin formasaun husi fundasaun sira seluk, Ita hotu hanesan jerasaun foun, hanesan rai ida ne’e nia liman, atu lori futuru rai ne’e ba di’ak, maka ita tenki iha koñesimentu ne’ebé mak naton, iha kapasidade para hatur ita nia papel hanesan ema estudante iha komunidade ho buat ne’ebé mak justu no klaru, nune’e ita nia komunidade sira bele banati tuir, tanba ne’e hau fiar husi formasaun ne’e, ita bo’ot sira sei aplika buat foun iha komunidade",dehan Diretor Estrakurikuler.

Diretor ne'e, agradese ba fundasaun Codiva, ne’ebé bele mai fahe ona sira nia esperiensai no matenek durante loron tolu ba estudante sira, ho ida ne’e ha’u fiar katak husi formasaun ne’e sei lori benefisiu ba sira nia aplikasaun no pratika iha sira nia familia no vida moris.

Iha fatin hanesan, Domingos Alves,(fasilitador) Fundasaun Codiva ,Coalition Diversity And Action, Agradece tebes, tanba durante loron tolu atividade ka treinamentu la'o ho di'ak, tanba servisu hamutuk entre fundasaun Codiva ho Universidade da paz ne'e rasik, ami agradese no obrigadu wa'in tebes ba servisu hamutuk ida ne'e, liuhusi senadu ho Diretor no ekipa husi Codiva nomós estudante sira ne'ebé durante ne'e partisipa masimu loos iha treinamentu durante loron tolu ne'e.

"Ida ne'e hanesan pasu ka dalan di'ak mai fundasaun Codiva, atu habelar informasaun liuliu ba topiku SOGIESC ne'ebé durante ita aprende hamutuk, oinsá bele aprende kona-ba edukasaun inkluzivu",tenik Nia.

Sorin seluk, Estudante Justinho Piedade Belo Desterro, salienta treinamentu ne'ebé ekipa Codiva hala'o iha ne'e, ha'u sente hanesan buat foun bá ha'u, bele mós ba ami nia maluk sira hotu ne'ebé tuir ona formasaun ida ne'e, formasaun ida ne'e bai-bain ami rona de'it maibé oinsá atu utiliza maneira sira seidauk komprende, maibé durante formasaun loron tolu ne'e, ami bele hatene saida mak sexu no saida mak jéneru.

Entretantu iha enseramentu formasaun ne'e, Fundasaun Codiva, distribui mós sertifika ba partisipante sira ne'ebé partisipa formasaun durante loron tolu, hetan partisipa husi Diretor Estrakurikuler, Sr. Quintiliano Fernandes Barros, Lic. SP.M. SP. Domingos Alves,(fasilitador) Fundasaun Codiva ,Coalition Diversity And Action. ho Ekipa inklui estudante sira.