FTA-UNPAZ REALIZA TREINAMENTU EMPREENDEDORIZMU

FTA-UNPAZ REALIZA TREINAMENTU EMPREENDEDORIZMU

Dili-Universidade da Paz (UNPAZ) liuhusi Fakuldade Teknologia Agrikola realiza treinamentu empreendedorsimu ba esrtudante Departamentu Prosesamentu Alimentar no Konservasaun Rekursu Naturais nomós Estudante husi Fakuldade Ekonomia Departamentu epreendedorismu, ne’ebé fasilita husi peritus CRS nian, iha Aula FTA (18/01).

Dekanu Fakuldade Teknologia Agrikola, Eng. Jonio Dos Santos.,M.Agr. hateten, iha inísiu ita halo ona kooperasaun ho NGO internasional CRS, iha ne’ebé sira nia programa ne’e foka liu bá to’os na’in ba to’os na’in ida ne’e, ita hala’o iha tinan kotuk liubá, ninia kontinuasaun ba atividade sira ne’e mak fó treinamentu sira, no treimentu ida ne’e mai husi malae induk ho importánsia ho agro-negosiu ninian.

Nia hatutan, husi CRS haruka nia peritu ida mai bele fahe ninia matenek ba ita-nia estudantes sira liuliu ih agro-negósiu ninian ne’e ho objetivu atu hakle’an kona-ba materia negosiu nian ne’ebé durante ne’e ita fó hela.

“Peritu ne’e mai ho objetivu atu aumenta tan no atu adapta mós esperiensia husi rai-liur mai iha rai-laran, ho nune’e bele halo estudante sira labele hadau malu servisu husi governu no estadu nian wainhira remata estudu, maibé oinsa sira bele prepara aan kria sira nia negósiu rasik nomós oinsá bele kria kampu servisu ba ema sluk”,dehan Eng. Jonio.

Nia salienta, treinamentu ba etapa ida ne’e durante semana ida. No treinamentu ne’e foka ba parte rua primeiru mak agro-negosiu no segundu mak treinamentu ba peskiza nian ida ne’e sei oferese ba de’it dosentes sira.

Total estudantes sira tuir treinamentu ne’e husi departamentu rua husi fakuldade teknologia agrikola ninian mak konservasaun rekusu naturais, teknolpjia prosesamentu alimentar no deprtamentu ida mak husi fakuldade ekonomia mak empreendedorizmu, Nia Hakotu.