![FTA UNPAZ REALIZA JUDISIUM BA FINALISATA NAIN 60](https://unpaz.tl/asset/foto_berita/513.jpg)
FTA UNPAZ REALIZA JUDISIUM BA FINALISATA NA’IN 60
Dili-Unbiversidade da Paz (UNPAZ) liuhusi Fakuldade Teknologia Agrikola hala’o serimónia judisium ba dala XVI ba finalista neen nulu (60) ne’ebé kompostu husi Departamentu rua hanesan Departamentu Prosesamentu Alimentar nomós Konservasaun Rekursu naturais, tinan akadémiku 2022, ho tema “Promove Agrikultura Sustentavel Liuhusi Ciensia Teknologia Prosesamentu Rekursu Naturais, iha Salaun José Casimiru (15/12).
Magnífiku Reitór Universidade da Paz, Dr. Adolmando Soares Amaral, Lic.Eco., MM. hato’o parabens ba judisista sira hotu ne’ebé ohin hala’o serimónia judisium, ohin fakuldade entrega hikas ita bo’ot sira ba universidade, hanesan mós tinan haat ba kotuk ita bo’ot sira mai iha universidade hodi halo prosesu teste akadémiku, depois universidade entrega ita bo’ot sira ba iha fakuldade durante tinan haat, momentu ida ohin fakuldade entrega hikas fali ita bo’ot sira ba universidade, nune’e dia 19 universidade organiza serimónia gradusaun ba ita bo’ot sira.
“Buta ida todan mak husik fali ita bo’ot sira ba iha sosiedade no lahatene ita bo’ot sira ba iha sosiedade atu halo saida, maibe haree ba ita fakuldade teknologia agrikola ho departamentu rua ne’ebé mak iha, hanesan reitór ha’u la duvida ho imi 60 ne’ebé mak iha”,dehan Reitó UNPAZ.
Reitór, agradese ba inan aman sira nia konfiansa hodi haruka oan sira mai iha Universidade da Paz, hodi apriende siensia no teknologia, tanba ne’e, husu ba ita bo’ot judisista sira ho siensia ne’ebé imi apriende, mak lalika husu saida mak ba governu ka estadu, maibe koko atu kontribui no asegura polítika governu no estadu liuhusi asaun ruma, tanba ita bo’ot sira iha bukae naton hodi transforma ida ne’e.
Sorin seluk, Prezidente Konsellu Administrasaun Fundasaun Neon Mwetin Eng. José Menez, Tec. Food, hateten imi nia susesu bai-bain ha’u dehan ona katak, imi nia susesu ne’e, tanba sakrifisiu husi inan aman nomós imi nia dosente sira, tanba ne’e, laiha ema ida susesu mesak, maibe sempre sakrifisiu ema seluk nian, inklui inan aman dosente nomós maluk sira seluk.
“Bainhira imi realiza susesu ida ne’ebé imi hetan, tanba kontribuisaun husi ema seluk iha imi nia vida bele apresia ema seluk nia prejensa iha imi nia moris”,dehan Prezidente FNM.
Aliende ne’e, Dekanu Fakuldade Teknologia Agrikola, Eng. Jonio Dos Santos.,M.Agr. agradese ba konfiansa husi inan aman sira ne’ebé depozita ita bo’ot sira nia oan mai iha UNPAZ liuliu iha Fakuldade Teknologia Agrikola, hodi apriende iha fatin ne’e, ohin loron sira bele hala’o serimónia judisium.
“Apresia no agradese ba imi nia boa-vontade nomós komitmentu, maske hasoru difikuldade oi-oin, mais imi prontu duni kopera no simu kondisaun hotu imi be’e to’o iha biban ida ne’e, agradese mós ba ekipa husi koru ne’ebé anima ona ita iha serimónia ida ne’e”,dehan Dekanu FTA.
Dekanu ne’e mós, dezafia judisista na’in 60 ne’ebé tur iha fatin ida ne’e, oinsa mak atu halo konseitu ruma, atu bele kria rasik servisu ba imi nia aan nomós ba ema seluk, liuhusi imi nia koñesimentu no atitude ne’ebé mak durante tinan haat nia laran apriende.
Reprejentante Inan Aman, Sr. Rogerio Babo, agradese ba manorin na’in sira hotu iha UNPAZ, ne’ebé dedika ona aan, hodi transforma matenek ba ami nia oan sira, maibe ami temi hanesan sentimentu milagre ne’ebé UNPAZ haraik ba ami familia, nune’e ami sente hanesan fitun ne’ebé naroman mosu husi nakukun, hodi lori familia no povu ida ne’e, sai husi nakukun ida ne’e.
“Reprejenta inan aman judisista sira hotu agradese ba Universidade da Paz, liuliu Fakuldadse Tekonologia Agrikola ne’ebé durante tinan haat hodi kontribui ona matenek baa mi nia oan sira, matenek ne’ebé imi fó ba ami nia oan sira, ami inan aman selu labele, maibe ami reja nafatin ba Maromak ho matebian nomós natureza, atu bele haraik saúde no vida naruk nafatin sira”,tenik Nia.
Nia dehan ba judisista sira, susesu ne’ebé imi hetan la mosu hanesan milagre, susesu ne’ebé ita bo’ot sira hetan mai husi prosesu, tanba ne’e hanesan inan aman agradese ba susesu ida ne’e.
Reprejentante Judisista, Jeremias da C. Rodrigues, relata, ami judisista hamutuk 60 hakarak, agradese no orgullu titulu akadémiku ne’ebé ohin ami simu, maibe ami sente hanesan naha todan ida ne’ebé ami bele lori ba tempu naruk iha futuru, tanba titulu ne’e, ami hetan hanesan responsabilidade ida ne’ebé bo’ot ami tenki ba absolve iha sosiedade.
“Sakrifisiu ne’ebé inan aman sira nian mai ita, sira nunka sente kolen, maske hasoru dezafiu oi-oin, maibe sira nafatin esforsu ba ita oan sira, agradese ba manorin na’in sira hotu ne’ebé durante ne’e eduka ona ami durante tinan haat nia laran, hodi hatudu dalan lo’os mai ami, ohin ami bele simu grau ida ho responsabilidade tomak ba iha ami nia aan”,katak Judisista.
Entretantu iha serimónia judisium FTA ne’e, Koloquin husi, Sr. Claudino Ninas Nabais, partisipasaun másimu husi Senadu Universidade ne’ebé kompostu husi Dekanu Fakuldade 6, Vise-reitores sira, Xefe Departamentu sira, Pro-Reitor sira, Diretor/a Unidade sira, estrutura tomak husi Fakuldade CSH, Inan-Aman sira, Judisista sira, inklui Sívitas Akadémiku sira hotu iha Universidade da Paz.