![FTA UNPAZ REALIZA ELEISAUN BA SENADU ESTUDANTIL FOUN](https://unpaz.tl/asset/foto_berita/244.jpg)
FTA UNPAZ REALIZA ELEISAUN BA SENADU ESTUDANTIL FOUN
Dili-Universidade da Paz (UNPAZ) liuhusi Fakuldade Teknologia Agrikola nia estudante sira realiza atividade eleisaun ba senadu foun tinan akadémiku 2023-2024, hodi sai liman ain ba preokupasaun estudante sira-nian atu hato’o ba iha FTA, iha Salaun Jose Kasimiru (26/05).
Prezidente Komisaun Organizadóra, Adelino dos Santos, husi Departamentu Konservasaun Rekursu Naturais Semestre V, hateten atividade ida ohin hala’o iha fatin ne’e, kona-ba kandidatu senadu estudantil foun fakuldade teknologia agrikola, nune’e bele superviziona atividade estudante sira nian inklui fakuldade.
“Atividade ida ohin la’o di’ak tebes tanba iha komiasaun ida ne’ebé mak lidera servisu ho kolaborasaun ne’ebé mak di’ak tebes husi estudante sira hotu, kompara uluk ho agora iha diferente bo’ot. Kandidatu sira ohin hato’o ida-idak nia programa vizaun no misan ne’ebé mak klaru ba estudante sira hotu atu bele rona, nune’e sira fó votu mós iha responsabilidade”,dehan Prezidente Komisaun Adelino.
Nia hatutan kandidatu sira mai ho pakote rua, kompostu husi departamentu rua hanesan departamentu Konservasaun Rekursu Naturais no Gestaun Alimentar, nune’e sai senadu karik atu bele servisu hamutuk, tanba pakote la’os estudante husi departamentu ida de’it mesak mak inklui iha laran, maibe husi departamentu rua ne’e hotu involve iha laran.
Entretantu partisipa iha atividade ne’e, Kandidatu senadu sira, Dosente sira, Prezidente Komisaun ho estrutura inklui sivitas akadémiku sira hotu iha universidade da paz.