FTA UNPAZ REALIZA ATRIVIDADE TOMADA DE POSE BA SENADU FOUN NO HAMETIN LASU AMIZADE ENTRE ESTUDANTE H

FTA UNPAZ REALIZA ATRIVIDADE TOMADA DE POSE BA SENADU FOUN NO HAMETIN LASU AMIZADE ENTRE ESTUDANTE HO DOSENTE

Dili-Universidade da Paz (UNPAZ) liuhusi Estudante Fakuldade Teknologia Agrikola hala’o atividade Tomada De Pose Ba Senadu foun no Hametin Lasu Amizade Entre Dosente ho Estudante sira Tinan Akadémiku 2023-2024, iha Aileu Seloi Kraik (02/06/23).

Terseiru Vise Dekanu FTA, Sr. Jose Soares Lic.Agrm. hateten tividade ida ohin ne’e realizasaun husi estudante sira ne’ebé mak servisu hamutuk ho fakuldade, tanba ne’e atividade ida ne’e estudante sira hamutuk grupu 17 ne’ebé kompostu husi estudante semester 1,3,5 no 7, iha atividade ida ne’e sira sei vizita fatin turizmu sira nomós atividade lubuk ida mak sei halo iha fatin ida ne’e.

“Atividade ida ne’e nu’udar amiza ho natureza, tanba ne’e mak estudante sira nia prezensa iha ne’e, atu vizita fatin sira direta kona-ba saida mak durante ne’e sira hetan iha aula”,dehan Terseiru Vise Dekanu FTA, Sr. Jose.

Iha fatin hanesan, Januario Lopes OPS, reprezenta Suco Seloi Kraik, hateten primeiru ita bo’ot sira halo atividade iha aldeia taliforleu Suco Seloi Kraik postu administrativu Aileu Via Munisipu Aileu, tuir karta ne’ebé mak ami hetan, tanba ne’e ohin atan ha’u partisipa iha atividade inisiu to’o aban, tanba ne’e ami autoridade sei nafatin hamutuk ho ita bo’ot sira, atu akompaiña no observa ita bo’ot sira nia atividade durante iha ne’e to’o remata.

“Husu ba estudante sira hotu atu tau konsiderasaunba fatin sira ne’ebé mak atu vizita ba nomós konsidera xefe ekipa sira ne’ebé mak akomaiña ita bo’ot sira mai iha fatin ida ne’e, tanba ne’e ha’u fiar katak, maske ita bo’ot sira mai loron rua de’it, maibe konseidera fatin ida ne’e suku ida ne’e hanesan ita bo’ot sira nia hela fatin”,dehan OPS Januario.

Partisipa iha eventu ne’e, Terseiru Vise Dekanu FTA, Sr. Jose Soares Lic.Agrm ho estrutura tomak Fakuldade nian. Januario Lopes OPS. Inklui estudante sira hotu husi FTA.