FSP-UNPAZ HO BIPH REALIZA TREINAMENTU PROGRAMA EPI-INFO FAZE DAHULUK

FSP-UNPAZ HO BIPH REALIZA TREINAMENTU PROGRAMA EPI-INFO FAZE DAHULUK

Dili-Universidae da Paz (UNPAZ) liuhusi Fakuldadde Saúde Públika hamutuk ho BIPH Realiza Treinamentu Programa Epi-Info Faze Dahuluk ba Estudante FSP-UNPAZ hamutuk 65, iha Salaun Multifunsaun FSP-UNPAZ (13/01)horseik.

Aktividade ida ne’e hanesan rezultadu husi treinamentu ne’ebé Corpus Dosentes FSP-UNPAZ na’in 4 hala’o durante semana rua iha fulan Outobru tinan 2022 iha Nagoya Japan. Ida ne’e hanesan aktividade kontinuasaun ba iha FSP-UNPAZ & BiPH Project.

Objetivu husi treinamentu ida ne’e maka atu kapasita estudante sira kona-ba oinsa utiliza aplikasaun Epi.Info ba iha Pratika Aprendisajen iha kampu ka PAK. Liuhusi treinamentu ida ne’e estudante sira bele hatene oinsa Kria Formatu Questionario, Entry data, no Analiza dadus ho lalais.

Aktividade ida ne’e mós hetan Observasaun direta husi JiCA TL, no BiPH husi Japan via online. Alemde ne’e Corpus dosentes sira hetan apoia mós husi reprezentante BiPH, Sra. Takai Kumiko ,iha treinamentu ida ne’e.

Tuir Planu sei iha kontinuasaun treinamentu faze daruak ba corpus dosentes sira ne’ebé sei realiza iha dia 18/01/2023. Partisipa iha aktividade ida ne’e maka Strutura Fakuldade Saúde Pública hanesan Vice Dekanu, Xefe Departamentu sira, corpus dosentes, no estudante husi Departamentu Biostatitika e Sistema informasaun saúde, no estudante sira husi Departamentu Epidemologia.