![FSPeCM-UNPAZ REALIZA FORMASAUN SOFTWARE EPI-INFO BA ESTUDANTE SIRA](https://unpaz.tl/asset/foto_berita/147.jpg)
FSPeCM-UNPAZ REALIZA FORMASAUN SOFTWARE EPI-INFO BA ESTUDANTE SIRA
Dili-Universidade da Paz (UNPAZ) liuhusi Fakuldade Saúde Públika e Ciênsia Medica (FSPeCM-UNPAZ) realiza formasaun kona-ba utilizasaun Software EPI-INFO hodi prepara ba atividade pratika aprendisagen iha kampu etapa primeiru (Pak I), iha Aula Multifunsaun FSPeCM (27/02).
Dekanu FSPeCM, Sr. Martinus Nahak Linu, AMKL.,Lic.SP.,M.AP.,M.SP. hateten, Ojetivu husi formsasaun ne’e, tanba ita adapta ona atu ba rekolla dadus ho ida ne’e saúde públika ita iha mudansa ituan, tanba uluk ita iha Sistema manual no agora ita muda ituan ba Sistema eletronik, hanesan Software EPI-INFO, ne’ebé dosente sira ba tuir ona treinamentu iha japaun, no fila fali mai aplika iha fakuldade ba dosentes nomós estrudante sira.
“Software EPI-INFO, sei fó treinamentu ba esrtudante hotu iha fakuldade saúde públika, nune’e estudante hotu molok atu ba rekolla dadus iha komunidade, sira tenki iha koñesimentu ba Software EPI-INFO, no iha ne’ebé de’it sira bele utiliza ba hatama dadus sira”,tenik.
Nia hatutan, Software EPI-INFO ida ne’e mak, ita hakarak dezenvolve, atu nune’e estudante sira, bele iha koñesimentu ne’ebé naton, para aban bairua sira remata sira-nia estudu, sira bele utiliza ba iha servisu fatin.
Iha Fatin hanesan, terseiru Vise Dekanu FSPeCM, Sr. Santiago Jorge Pereira, Lic.SP.,MPH. hatutan, objetivu atividade ohin halo formasaun ba preparasaun estudante sira husi semester V, ne’ebé atu ba pratika aprendisagen iha kampu ba etapa I (Pak I), atu hotu-hotu download Software EPI-INFO hodi prepara ba iha pelestra no tun ba baze hodi rekolla dadus pratika nian iha (Pak I).
Nia hatutan, informasaun kona-ba download Software EPI-INFO, ohin fó ba departamentu tolu mak hanesan, Siensia Nutrusaun, Biostatistika no Saúde Reprodutiva. No sei kontinua hatutan informasaun ne’e iha loron aaban ba departamentu tulu mak hanesan, Saúde Ambiental, Jestaun Administrasaun e Polítika Saúde no Siensia Epidemologia.
Entretantu atividade formasaun ne’e husi, fasilita husi terseiru, Vise Dekanu FSPeCM, Sr. Santiago Jorge Pereira, Lic.SP.,MPH. Mestri Marcus Carvalho, Lic.SP. partisipa husi Estudante sira husi FSPeCM.