FSPeCM-UNPAZ REALIZA ABERTURA PRATIKA TERENU BA SEGUNDU NO TERSEIRU FAZE NIAN

FSPeCM-UNPAZ REALIZA ABERTURA PRATIKA TERENU BA SEGUNDU NO TERSEIRU FAZE NIAN

Dili-Universidade da Paz (UNPAZ) liuhusi Fakuldade Saúde Públika e Ciensia Medica (FSPeCM) hala’o serimónia abertura ba kontinuasaun artividade pratika aprendisagen terenu ba segundu no terseiru faze nian, ne’ebé sei desloka estudante sira ba iha dia 01 de Agustu 2023, iha salaun Jose Kasimiru (24/07).

Dekanu FSPeCM, Dr. Martinus Nahak Lino, AMKL. Lic.,SP.MAP.,M.SP, hateten ohin ita halo abertura ba estudante sira nia pratika aprendisagen segundu no terseiru iha baze, ne’ebé sei hala’o iha fulan agustu nia laran, ho ida ne’e mak molok sira tun ba iha komunidade sira, primeiru mak ita tenki fó formasaun ba sira atu bele kompriende ho di’ak liuliu iha partika primeiru nian ne’ebé sira hala’o tiha ona. Tanba ne’e pratika aprendisagen ba segundu ne’e, sira atu implementa no terseiru nian, sira atu halo monitorizasaun ba iha komunidade sira, oinsa bele hatene kona-ba nia mudansa ruma iha komunidade sira.

“FSPeCM pratika terenu ne’e hanesan asuntu importante tebes, nune’e bele eleva sira nia koñesimentu hodi pepara ba sira nia estudu ba futuru nian, ho ida ne’e limenon ba estudante sira hotu ne’ebé atu ba hala’o pratika iha komunidade, primeiru mak tenki koidadu ita nia almater UNPAZ nia naran, no fakuldade nia naran labele halo foer, nomós koidadu ho kondiasaun rasik, nune’e ita bele hala’o atividade ho di’ak ba iha komunidade sira”,dehan Dekanu FSPeCM.

Entretantu abertura ba pratika aprendisagen terenu ne’e, estudante semester VI husi FSPeCM, ho total (448) ne’ebé kompostu husi departamentu neen, hanesan AGPS, Biostatisitika, Saúde Reprodutiva, Siensia Epidemologia Siensia Nutrisaun no Saúde Ambiental, ne’ebé fahe ba grupu 12 iha Aldeia 12 iha Maubesi durante fulan ida ho balun.

Partisipa iha abertura ne’e, Dekanu FSPeCM, Dr. Martinus Nahak Lino, AMKL. Lic.,SP.MAP.,M.SP. ho Estrutura tomak iha FSPeCM, inklui Estudante sira.