![FSPeCM-UNPAZ REALIZA ABERTURA EZAME PRATIKA APRENDISAGEN KAMPU ETAPA DAHULUK](https://unpaz.tl/asset/foto_berita/263.jpg)
FSPeCM-UNPAZ REALIZA ABERTURA EZAME PRATIKA APRENDISAGEN KAMPU ETAPA DAHULUK
Dili-Universidade da Paz (UNPAZ) liuhusi Fakuldade Saúde Públika e Ciensia Medica (FSPeCM) hala’o serimónia abertura ezame pratika kampu ba faze dahukuk nian ba estudante semester (V) hamutuk atus haat, haat nulu resin haat (444) ne’ebé kompostu husi departamentu neen, iha Aula Multifunsaun (19/06/23).
Iha fatin hanesan, Dekanu FSPeCM, Dr. Martinus Nahak Lino, AMKL., Lic. SP. M. AP.,M.SP. hateten ohin ita realiza ezame pratika ida ne’e, nu’udar passu ida importante ba imi hotu, atu hakat ba oin hodi termina imi nia estudu iha universidade da paz, liu-liu iha fakuldade saúde públika, ho ida ne’e imi hamutuk atus haat, haat nunlu, resin haat (444) ne’ebé fahe ba grupu 12.
Dekanu ne’e, agradese ba estudante husi grupu 12 bele kompletu hotu, ida ne’e nu’udar passu ida ba imi katak, durante tinan rua resin imi hala’o estudu iha fakuldade saúde públika e ciensia medica, tanba ne’e ohin ita hahú ezame ba grupu 1-6, aban grupu 7-12, tanba ne’e, atividade ida ne’e durante imi hala’o prosesu, imi kopriende prosesu tomak, oinsa rekolla dadus hodi analiza no aprezenta iha aldeia no suku kona-ba problema saúde públika ne’ebé mak imi hasoru iha terenu.
“Ohin imi ezame, fulan agustu-setembru imi tenki fila fali ba fatin, atu aplika, metodu ne’ebé ita utiliza, husi Japaun hateten, metodu ne’e iha mundu ema seidauk utiliza, hafoin UNPAZ mak utiliza, tanba ne’e imi tenki fiar ida ne’e, alumi ne’ebé sai husi ne’e, preparadu atu ba iha instituisaun ne’ebé de’it, tanba nia baze mak ida ita implementa ne’e, ho ida ne’e imi labele duvidas, imi tenki estuda maka’as, hodi tau ida-idak nia an iha fatin ne’ebé loos hodi atinji ita nia objetivu”,dehan Dekanu FSPeCM.
Entretantu partisipa iha serimónia abertura ezame pratika aprendisagen ne’e, loke direta husi Dekanu FSPeCM, Dr. Martinus Nahak Lino, AMKL., Lic. SP. M. AP.,M.SP. no akompaña husi estrutura fakuldade, dosentes, funsionariu nomós estudante sira.