FSPeCM-UNPAZ HUSU MISSA AKSAUN MOLOK DESLOKA ESTUDANTE DEPARTAMENTU ENFERMAGEN BA TERENU

FSPeCM-UNPAZ HUSU MISSA AKSAUN MOLOK DESLOKA ESTUDANTE DEPARTAMENTU ENFERMAGEN BA TERENU

Dili-Universidade da Paz (UNPAZ) nia Fakuldade Saúde Públika e Ciênsia Médica, liuhusi Departamentu Enfermagem realiza missa aksaun ida ba estudante Enfermagem molok sira atu hala'o atividade prátika iha Hospital sira, iha Salaun José Casimiro(16/08/24)

Magnífiku Reitór UNPAZ, Dr. Adolmando Soares Amaral, Lic.Eco,. MM, apresia ba estudante sira tanba imi bele hili ona departamentu enfermagem iha fakuldade saúde pública e ciênsia médica UNPAZ, tanba imi prontu ona atu hasoru ema triste no moras iha hospital no iha ne’ebé de'it,la fasil ba ema hotu atu hili departamentu hanesan ne’e.

Magnífiku Reitór husu ba estudante departamentu enfermagem sira depois de imi tun ba terenu imi sei lori universidade nia naran lori familia nia naran no lori imi nia naran rasik, hatudu imi nia kualidade iha ne’eba la’os imi mak atu di'ak liu sira ne’e la’e Timor-Leste labele imi no labele sira, maibe Timor-Leste ne’e ita hotu tenki hamutuk.

Iha fatin hanesan, Xefe departamentu enfermagem, esplika liafuan importante tolu Sabedoria signifika atu lori imi atu hatene hodi kompete ho kolega sira iha hospital no sentru saúde sira ne’ebé mak imi sei ba kompete, la signifika atu halakon sira la'e, maibé imi tenki hatudu valor pozitivu no imi tenki ultrapassa sira no imi liu sira la signifika imi atu halakon sira, maibé imi tenki hatudu imi nia kualidade hanesan estudante UNPAZ.

Liafuan segundu ita ko’alia kona-ba santidade la’os atu lori imi sai santu maibé imi ba hasoru ema ne’ebé hanesan ita bo’ot sira, sira balu moras no sira presiza duni imi nia tulun keta haluhan katak santidade haree ema seluk hanesan haree o nia an rasik, ne’ebé mak Maromak hanorin ona mai ita, no atu habadak ukun fuan sanulu ba rua de'it mak hadomi Nai Maromak no hadomi ema seluk hanesan ita nia an rasik ida ne’e mak importante ba imi.

Ikus liu mak saudavel mak imi tenki saudavel no iha dimensaun lima ne’ebé imi la bele haluhan primeiru mak aspetu sosial imi tenki iha relasaun di'ak ba ema ne’ebé mak imi hasoru, segundu mak imi nia koñesimentu rasik terseiru ko'alia kona-ba emosaun labele atu hirus sai emfermeiro/a tenki kalma no pasiensia hodi atende pasiente, kuartu kona-ba ispiritual no ikus mak kondisaun saúde ne’e rasik aspetu lima tenki iha balansu.