FSPeCM-UNPAZ HO GLOBAL HEALTH FOCUS (GHF) REALIZA SEMINARIU INTERNATIONAL

FSPeCM-UNPAZ HO GLOBAL HEALTH FOCUS (GHF) REALIZA SEMINARIU INTERNATIONAL

Dili-Universidade da Paz (UNPAZ) liuhusi Fakuldade Saúde Pública e Ciências Médicas UNPAZ hamutuk ho Global Health Focus (ghf) realiza seminariu International ho Tema”TOGETHER WE BUILD THE NATION THROUGH SCIENTIFIC COLABORATION IN THE CONTEXT OF ENVIRONMENTAL HEALTH AND INFECTIOUS DISEASES” iha Salaun Delta Nova (08/08) horseik.

Vise Reitor Asuntu Akadémiku Sr. Joaninho Xavier Hei, Lic. CSH.M.Ed. ne’ebé reprezenta Magnífiku Reitór UNPAZ, hateten ohin loron ita asina MoU ho MoA ho Global Health Focus (ghf) ho UNPAZ, depois de asina akordu ne’e hotu, sei iha seminar internasionál ida foka ba iha saúde nian, tanba sira husi Global Health Focus mak mai ne’e ho nia regional national director sira mai iha ne’e, para ajuda fakuldade sira iha parte saúde nian, depois de seminar ne’e sei iha mós treinamentu peskiza nian ba dosente nomós ba estudante sira kona-ba mentori traning ba dosentes sira hotu nomós ba estudantes sira, e sei fasilita mós edukasaun ba iha universidade ba futuru.

Entretantu iha seminariu internasionál ne’e, oradór prinsipal na’in lima mak hanesan:

Orador 1: Prof. Don Eliseo Lucero-Prisno III, BSc (Hons), MD, PhD, MPH, MSc, FRSPH, PHEA. Hanesan Founder ba Global Health Focus), Lori materia ho Tema “Climate Change and Health: A Global Perspective”.

Oradór2: Sr. Adriana Viola Miranda, MD (Hanesan Regional Country Director of Asia in Global Health Focus) lori materia ho Tema “Climate Change and Infectious Diseases from a Global Health”.

Oradór 3: Dr. Martinus Nahak Linu, AMKL., Lic.SP.,M.AP.,M.SP ( Hanesan Akademista UNPAZ) Lori material “Climate Change and it’s Impact to Timor-Leste”.

Oradór 4: dr. Filipe de Neri Machado, MPH (Hanesan Diretur Nasional Saúde Pública Ministério da Saúde) lori materia ho Tema “Health Education as a Paradigm in Controlling Infectious Diseases in Timor-Leste”.

Oradór 5: Dr. Levi Anatolia Exposto, Lic.SP., M.Kes (Hanesan Akademista husi FSPCM UNPAZ) lori Materia ho tema “Environmental Health Sanitation”.

Tuir observasaun média nian iha terenu nota katak, molok hahu Seminariu Intrnasional ne’e, husi Parte Rua hala’o uluk Assina MoU entre Univesidade da Paz ho Global Health Focus, no MoA ho Fakuldade Saúde Pública e Ciências Médicas. No hetan partisipa husi, Estrutura Universidade, Estrutura Fakuldade, no Corpus Dosentes sira hotu no estudante hamutk (500) resin ne’ebé kompostu husi estudante Universidade Nasional Timor Lorosae (UNTL), ISC, ICS, UNITAL, no FSPeCM UNPAZ.