![FSPeCM-UNPAZ HETAN VIZITA HUSI NAGOYA CITY UNIVERSITY](https://unpaz.tl/asset/foto_berita/IMG_4597.png)
FSPeCM-UNPAZ HETAN VIZITA HUSI NAGOYA CITY UNIVERSITY
Dili-Universidade da Paz (UNPAZ) hetan vizita husi Dosentes no Estudante sira husi School of Nursing Nagoya City University ne'ebé lideradu husi Prof. Dr. Michiyo Higuchi, MD, MPHM, DrPH, Hodi hala'o aktividade Exchange Class, hanesan aktividade Rutina ne'ebé hala'o ona durante ne'e entre FSPeCM UNPAZ ho School of Nursing Nagoya City University Japan, (20/03).
Dekanu FSPeCM UNPAZ Sr. Martinus Nahak Linu, AMKL., Lic.SP.,M.AP.,M.SP.
hateten, Univesidade da paz, liuhusi Fakuldade Saúde Públika, hetan vizita husi Nagoya City University, bazeia ba kooperasaun ne'ebé hala'o iha 2017, ne'ebé mak estudante troka ba mai, maibé agora Prof. Dr. Michiyo Higuchi, MD, MPHM, DrPH. ho Estudante sira husi School of Nursing Nagoya City University, nain tolu nain rua iha Ciensia enfermagen no ida iha mestradu.
Nia hatutan, atividade ne'e sei hala'o durante semana ida, liuliu treinamentu software Epi-Info, ho estudante sira ne'ebé mak atu ba prátika iha maubessi, tanba ne'e mak hahu ohin sira fahe ona esperiénsia ba ita nia estudante sira, aliende ne'e ita nia dosentes sira husi fakuldade saúde públika mós sei aprezenta materia ba iha estudante sira husi Nagoya CITY University nian.
"Maibé sei aprezenta mós ba Magnifiku reitór, ligadu bolsu estudu ba dosentes sira ne'ebé mak suporta husi Japaun, ko'alia mós kooperasaun ne'e, la'ós de'it ho Fakuldade Saúde Públika, maibé bele mós ho Fakuldade sira seluk",dehan Dekanu FSPeCM.
Iha ida 24 Ekipa ne'e mós ho dosentes sira, hamutuk ho estudante sira hala'o vizita ba iha maubessi hodi haree kondisaun komunidade sira nian kona-ba saúde ninian, no 25 sei Ensera atividade refere. Nia tenik.