FSPeCM-UNPAZ HALO REVIZAUN KURIKULUM AKADEMIKU

FSPeCM-UNPAZ HALO REVIZAUN KURIKULUM AKADÉMIKU

Dili-Universidade da Paz (UNPAZ) liuhusi Fakuldade Saúde Públika e Ciênsia Medica, realiza workshop, hodi harmonia kurikulum akadémiku nasionál 213 uniforme ba 240 kreditus programa estudu (Administrasaun Gestaun Polítika Ssaúde), (Bioestatístika no Sistema Informasaun Saúde), (Saúde Reprodutiva), (Siénsia Epidemolojia), (Siénsia Nutrisaun), (Siénsia Saúde Ambiental), (Enfermagen).

Dekanu FSPeCM, Sr. Cipriano do R. Pacheco, AMG.,Lic. SP.,M. Kes, hateten iha realiza workshop ida ne’e, atu harminiza kurikulum husi programa estudu hitu iha FSPeCM, bazeia ba desizaun reunaiun senadu universidade nian, katak fakuldade hotu tenki harmoniza kurikulum 213 uniforme ba 240 kreditus. Tanba ne’e, ha’u husu ita Hotu-hotu tenki fó ideia, nune’e bele sai forsa ida.

"Ohin ita mai hamutuk hodi haree no tau hanoin hamutuk hodi foti desizaun ida ne’ebé kolektivu, ha’u espera durante loron rua, ita bele finaliza ita nia kurikulum ne’ebé mais produtivu, nune’e bele asegura prosesu aprendijazen ba ita nia oan sira iha anu letivu ida ne’e nomós anu letivu tuir mai",dehan Dekanu FSPeCM, iha Aula Prof, Dr. Lucas da Costa (02/02/24).

Entretantu worksop ba harmoniza kurikulum programa estudu hitu iha FSPeCM-UNPAZ ba loron dahuluk ne’e, Partisipa husi Dekanu FSPeCM, Sr. Cipriano do R. Pacheco, AMG.,Lic. SP.,M. Kes, ho Estrutura Fakuldade, Dosente, Funsionariu inklui Estudante Estájiadu/a sira.