FSPeCM-UNPAZ ABERTURA EZAME OBRA SIENTIFIKU ANU LETIVU 2025

FSPeCM-UNPAZ ABERTURA EZAME OBRA SIENTÍFIKU ANU LETIVU 2025

Dili-Universidade da Paz (UNPAZ), liu-husi Faculdade Saúde Pública e Ciensia Medicas (FSeCM-UNPAZ), hala'o abertura ezame Obra Sientífiku ba tinan akadémiku 2025, iha Aula Multifunsaun (29/04/25).

Dekanu FSeCM, Sr. Cipriano do R. Pacheco, AMG. Lic.SP., M.Kes hateten, Ohin ita hahu halo abertura ba ezame proposta ida ne’e, ita hotu hatene katak ita iha estudante ne’ebe mak numeru boot maibe ita iha mudansa ba orientador nian iha tinan kotuk iha nain rua maibe iha tinan ida ne’e orientador ida deit hodi orienta ema ida, entaun iha mos nia pozitivu no negativu, iha tinan ida ne’e ami fiar katak maske ita boot sira barak maibe orientador ne’e ida entau nu’udar manorin na’in ami konsentra ba imi no husu ba ita boot sira uza ba oportunidade ida ne’e ho didiak.

Dekanu husu aproveita tempu ne’ebe mak iha tanba aleinde ida ne’e ita boot sira sei tuir ezame mediu nomós pratika instituisional entaun ligadu ba buat sira ne’ebe imi hakerek no prepara ne’e husu imi nia badinas atu determina ne’e nudar papel estudante nian. Tanba ne’e husu ba imi la bele halimar ho oprtunidade ida ne’e utiliza tempu ho diak ida ne’e hanesan parte ida hodi ita bele fo hanoin ba malu nudar lisaun ba ita tanba tempu ne’e la hein ita maibe tempu kontinua ba beibeik.

Entretantu iha abertura ezame ne'e ba Departamentu, Administrasaun Jestaun e Polítika Saúde, Saúde Ambiental, Siénsia Nutrisaun, Siénsia Epidemologia, Saúde Reprodutiva, Biostatisikika e Sistema Informasaun ba Saúde.

Partisipa iha serimónia abertura ezame ne’e, Dekanu FSPeCM, Sr. Cipriano do Rosario Pacheco, AMG, Lic, SP.,M.,Kes, ho Estrutura Fakuldade nian, dosente sira hotu, funsionariu inklui estudante sira.