FSPeCM UNPAZ DISTRIBUI TAN TITULU AKADEMIKU BA FINALISTA 265

FSPeCM UNPAZ DISTRIBUI TAN TITULU AKADÉMIKU BA FINALISTA 265

Dili-Universidade da Paz (UNPAZ) liuhusi Fakuldade Saúde Públika e Ciensia Medica (FSPeCM) hala'o Serimónia Judisium ba Dala XVII Tinan Akadémiku 2023, hodi distribui títulu Akadémiku ba finalista hamutuk na'in atus rua neen nulu resin lima (265) Departamentu Administrasaun Jestaun Polítika ba Saúde, Departementu Siénsia Nutrisaun, Departamentu Saúde Ambiental, Departamentu Siénsia Eoidemologia, Departementu Saúde Reprodutiva, Departamentu Biostatistika e Sistema Informasaun ba Saúde, iha Salaun José Kasimiru (29/11).

Magnífiku Reitór Universidade da Paz, Dr. Adolmando Soares Amaral, Lic. Eco.,MM. hato’o agradese ba inan aman ne’ebé to’o ohin loron sei tau nafatin fiar mai iha Universidade da Paz , atu haruka oan sira kontinua mai aprende iha UNPAZ, tanba ne’e lori familia boot universidade da Paz naran, hakarak agrdese no obrigadu ba ita boot sira hotu.

“Judisista sira durante ne’e aprende ona siensia no teknologia iha universidade liuhusi prosesu aprendizajen nomós iha pratika sira iha komunidade, ita espera katak, depois de ida ne’e, sira gradua sira bele halo buat ruma ba povu no rai ida ne’e. Husu ba judisista sira ne’ebé iha tempu badak iha dia 01-02 sei gradua, tunba iha komunixdadeatu halo buat ruma ba povu no rai ida ne’e, ba timor labele ema ida mesak ba timor tenki ita hotu, siensia no teknologia universidade oferese ona, maibe komforme ita nia jestu atu halo atendimentu ba nasaun ba povu no rai ida ne’e”,dehan Reitór.

Iha fatin haesan, Reprezenta Prezidente FNM. Vise Prezidente Arq. Hugu Carbalho, agradese ba inan aman sira ne’ebé fó fiar ba Universidade da Paz, hodi haruka ona oan sira mai kontinua estudu iha universidade ida ne’e, ohin ita hotu sai sasin ba sira-nia loron judisium ida ne’e, agradese mós ba dosente sira, tanba lakon ona tempu no fahe matenek no esperiensia ba estudante sira ne’ebé mak to’o ona nia fnalidade ohin, ita hotu sai sasin ba sira nia susesu, ami ho esperansa katak, sakrifisiu ne’ebé ita boot sira halo, sei hetan bensaun husi maromak.

Sorin seluk, Dekanu FSPeCM, Sr. Cipriano Pacheco, Amg, Lic. SP.,Kes, dehan UNPAZ metin iha apa ama sira-nia laran, UNPAZ ne’e povu nian no UNPAZ mak povu, povu mak UNPAZ, tanba ne’e ha’u husu ba inan aman sira ohin ami husik ona oan 265, maibe ami fiar katak, komesa fulan dezembru ba oin lori tan ita boot sira-nia ona no alin sira mai rejistru iha UNPAZ, liu-liu FSPeCM, tanba ne’e hanesan dekanu mós hakarak hato’o parabens ba judisista sira hotu nomós dosente sira ne’ebé ita hotu nia servisu no unidade, hodi fahe ona matenek ba estudante sira, ohin hodi realiza judisium ida ne’e, agradese mós ba prezidente komisasun organiadora nomós dansarinas sira.

Aleinde ne’e, Reprezenta Inan Aman Juisista, Sr. Vitor Caio dos Santos. hateten durante tinan haat nia laran siensia lubuk ida mak imi hetan ona husi manorin na’in sira hotu, hodi imi sai ema maduru no forsa iha sosiedade bele hasoru saida de’it mak imi enfrenta iha sosiedade ho imi nia siensia no matenek ne’ebé imi hetan husi manorin na’in sira iha universidade da Paz. Hanesan mós inan aman judisista sira nian, hakarak agradese ba nai dosente sira hotu nomós estrutura universidade da paz, ami laiha buat ida atu oferese ba nai dosente sira hotu, maibe ami nafatin hasa’e orasaun, nune’e bele fó edukasaun ne’ebe di’ak ba oan sira iha tempu sira tuir mai.

Nune’e mós, Reprezenta Judisista sira hotu, Irenia Fernandes dos Reis, hato’o agradese ba dosente sira hotu iha universidade da paz, liu-liu dosente sira iha FSPeCM, ne’ebé durante fahe ona matenek ba ami, hodi ami estudante ne’ebé kualifikadu, agradese mós ba inan aman familia sira hotu ne’ebé mak durante suporta ona ami oan sira, hahu inisiu to’o ohin loron. Tanba ne’e ha’u lori lian judisista sira hotu iha departamentu neen, hodi hato’o ami nia agradesimentu ba instituisaun universidade da paz, ne’ebé sai ona fatin no knua mai ami, hodi pinta ami nia kakutak ho kores oi-oin, liu-liu kores saúde Públika e siensia medica, hodi sai ami nia viagen ba formasaun akadémiku nian, tanba ne’e ami sente orgullu tebes hodi pasparte iha familia boot universidade da paz nian, hodi forma sai produtu ne’ebé kualifikadu iha área oi-oin.

Entretantu serimónia judisium FSPeCM ne’e, partisipa husi, Magnífiku Reitór Universidade da Paz, Dr. Adolmando Soares Amaral, Lic. Eco.,MM. Reprezenta husi Prezidente FNM, Vise Prezidente, Arq. Hugu Carbalho ho Komitiva tomak, Estrutura Universidade ne’ebé kompostu husi Dekanu Fakuldade Neen, ho estrutura tomak fakuldade nian, Vise-Reitores sira, Pro-Reitor sira, Diretór/a Unidade sira, Dosente Funsionariu, Inan aman ho familia sira hotu nomós konvidadus tomak inklui sivitas Akadémiku Universidade da Paz.