FSPeCM ORGANIZA SERIMONIA ENTREGA SERVISU HUSI ESTRUTURA TUAN BA ESTRUTURA FOUN

FSPeCM ORGANIZA SERIMÓNIA ENTREGA SERVISU HUSI ESTRUTURA TUAN BA ESTRUTURA FOUN

Dili-Universidade da Paz (UNPAZ) liuhusi Fakuldade Saúde Públika e Ciênsia Medica, organiza serimónia entrega servisu husi estrutura tuan 2019-2024 ba estrutura foun 2025-2029, iha aula Multifunsaun FSPeCM (09/01/25).

Magnífiku Reitór UNPAZ, Dr. Adolmando Soares Amaral, Lic, Eco.,MM. hato’o agradese no obrigadu wa’in ba estrutura tuan ne’ebé okupa pozisaun iha tinan lima ba kotuk, ne’ebé ita konsege halo buat lubuk atu hatan ba ita nia objetivu, maibe seidauk atinji ita nia metas sira.

“Espera ho kolega sira ne’ebé mak hetan fali fiar atu bele kontinua iha mandate 2025-2029 halo buat lubuk ida atu bele atinji metas sira ne’ebé sai trajeitu ba Universidade da Paz nomós ba FSPeCM ho nia departamentu sira”,tenik Reitór.

Iha fatin hanesan, Dekanu FSPeCM, Sr. Cipriano do R. Pacheco, AMG, Lic. SP.,M.Kes. hateten ohin fakuldade saúde públika organiza serimónia ba entrega servisu husi estrutura sesante ba estrutura atual, ne’ebé hetan ona tomada de pose iha dia 05 de Novembru 2024. Tanba ne’e serimónia ohin entrega servisu aumesmu tempu natal hamutuk.

“Kultura iha servisu iha instituisaun ba iha kargu mudansa ba mai ne’e normal, tanba kargu lebele permanente iha ema ida, maibe sempre iha mudansa, tanba ne’e agradese ba estrutura tuan nomós estrutura foun, importante mak ita hotu rona malu no fiar malu servisu ho responsabilidade”,dehan dekanu FSPeCM.

Entretantu iha eventu ne’e partisipa husi, Magnífiku Reitór UNPAZ, Dr. Adolmando Soares Amaral, Lic, Eco.,MM. Dekanu FSPeCM, Sr. Cipriano do R. Pacheco, AMG, Lic. SP.,M.Kes. Vise Reitora asuntu estudantil ho Konsellu Sienstífiku inklui Estrutura FSPeCM, Dosente nomós Funsionariu sira.