FSPeCM KONTINUA REALIZA TESTE KOMPETENSIA BA ESTUDANTE ENFERMAGEN

FSPeCM KONTINUA REALIZA TESTE KOMPETENSIA BA ESTUDANTE ENFERMAGEN

Dili-29 de Jullu 2024, Universidade da Paz (UNPAZ) liuhusi Faculdade Saúde Públika e Ciênsia Medicas UNPAZ, nia Departamentu Enfermagen Kontinua halo teste Kompetensia ba loron daruak ba estudante sira. Teste ida ne'e kontinuasaun husi teste eskrita ne'ebé maka sira halo tiha ona, portantu estudante ne'ebé maka pasa ona iha ezame eskrita sira kontinua kedas ho ezame Kompetensia ba abilidade.

Enf. Sr. Francisco Borges. Esplika Iha teste Kompetensia ida ne'e ita iha prosedimentu hamutuk sia (9), ne'ebé maka sira tenki liu, prosedimentus sia (9) ne'e maka kompostu husi: ezame fiziku, Sinal Vita, Administrasaun medikamentu,Administrasaun oxigenio,Monta NGT, Monta kateter, no halo Higiene pessoal ba pasiente sira.

"Teste sira ne'e teste mandatoria ne'ebé maka sira tenki liu duni, para fó oportunidade ba sira hodi tun ba pratika, entaun teste ida ne'e ita iha dosente sira husi Universidade nomós husi ita nia parseiru sira ne'ebé maka mai hanesan observador externu, para atu haree katak teste ne'ebé maka ita halo teste ne'ebé maka priense duni rekezitus ne'ebé maka sira presija halo",dehan Enf. Francisco.

Nia dehan, kada estudante ida-idak tenki liu hotu kedas prosedimentu sia (9) ne'ebé maka ita halo teste ba sira no teste ida ne'e ita halo katak ba sira ne'ebé maka liu sira foin ba pratika iha klinika, sira ne'ebé laliu la bele hakat ba faze tuir mai maka ita sei halo Kamping Day atu fó ba sira autorizasaun atu ba pratika iha klinika ida ne'e maka ita halo, no teste ida ne'e ita sei halo durante loron sanulu no sira ne'ebé maka laliu ita sei fó teste Remediar dala ida de'it no sira laliu ita sei la autoriza sira ba pratika.