FSPeCM HALO SERIMÓNIA TOMADA DE POSE SENDADU ELEITU 2023-2024
Dili-Universidade da Paz (UNPAZ) liuhusi Fakuldade Saúde Públika e Ciensia Medica (FSPeCM) hala'o Serimónia tomada de Pose senadu eleitu ho estrutura tomak ba tinan akadémiku 2023-2024, iha Salaun José Casimiro (12/10).
Magnífiku Reitór Universidade da Paz, Dr. Adolmando Soares Amaral, Lic. Eco.,MM. hateten, husu ba estudante sira tenki aproveita tempu ne'e ho di'ak, tanba UNPAZ nia produtu mak ita boot sira, ho ida ne'e ita boot sira atu kualidade mak ita boot sira aproveita tempu ida ne'e no kapasita ita boot sira nia an ho atividade estrakurikular ba kreativu no inovativu iha Universidade.
"Aproveita tempu ida ne'e ho di'ak, imi sei sai lideransa ne'ebé di'ak iha rai ida ne'e, tanba ne'e kapasita imi nia an, maka iha tempu sira tuir mai, imi mak tenki ko'alia barak iha timor, liu-liu iha área saúde nian, ohin ami hamrik iha fatin ida ne'e, tanba tempu mak ohin ami iha ne'e, imi iha ne'eba, maibé ami nia esperansa ba imi mk ne'e, iha tinan sanulu mai, imi mak sei mai ko'alia fali iha oin no ami tur hodi rona fali imi, ita tempu ne'e mak ita bele dehan katak ita susesu",dehan Reitór.
Dekanu FSPwCM Sr. Cipriano do Rosario Pacheco, AMG., Lic.SP., M.Kes. esplika iha Universidade instituisaun akadémiku nian, maka ita hamosu senadu fakuldade no senadu universidade, atu responsabiliza atividade fakuldade nian nomós prosesu aprendizajen nian, tanba ita boot sira sai hanesan liman ain ba estudante sira-nia prosesu tomak. Ita boot sira mak reprezenta aspirasaun estudante sira nian, ida ne'e nu'udar responsabilidade boot ida ba senadu eleitu ho nia estrutura sira.
"Apresia ba senadu sesante ho nia estrutura ne'ebé durante ne'e halo ona buat barak iha fakuldade, tanba ne'e aprende tan lisaun sira ne'ebé mak iha hodi abansa tan ba oin, ba senadu eleitu sira ne'ebé ohin hamrik iha ne'e, mai ho esperansa ida ne'ebé ita boot sira-nia kolega depozita komfiansa ba ita boot sira ho onestu no kolektivu",dehan Dekanu FSPeCM.
Entretantu partisipa iha Serimónia tomada de Pose ba senadu eleitu FSPeMC, Magnífiku Reitór Universidade da Paz, Dr. Adolmando Soares Amaral, Lic. Eco.,MM.
Dekanu FSPwCM Sr. Cipriano do Rosario Pacheco, AMG., Lic.SP., M.Kes. ho Estrutura Fakuldade, Dosentes nomós Funsionariu sira inklui Estudante sira hotu iha Universidade da Paz.
Universidade da Paz nudar instituisaun Superior edukativus nebe realiza apredizazen, pesquizas, no sai servidor/pengabdian ba sidadaun sira hodi fiar metin ba direitu fundamental ema nian, tuir normas Universal sira no konstituisaun RDTL 
