FSPeCM FINALIZA ONA REVIZAUN KURIKULUM DURANTE LORON RUA

FSPeCM FINALIZA ONA REVIZAUN KURIKULUM DURANTE LORON RUA

Dili-Universidade da Paz (UNPAZ), liuhusi Fakuldade Saúde Públika e Ciénsia Médica, finaliza ona workshop ba harmonizasaun kurikulum akadémiku ba programa estudu hitu iha FSPeCM UNPAZ, ne'ebé hala'o durante loron rua, iha Aula Prof. Dr. Lucas da Costa (03/02/24).

Dekanu FSPeCM, Sr. Cipriano do R. Pacheco, AMG., Lic.Sp., M.Kes, hateten ita realiza workshop ida ne’e, komesa horseik departamentu haat (4), no ohin ba loron rua ita kontinua ba departamentu tolu (3), ho ida ne'e, ita nafatin tau hanoin hamotuk no sai forsa ida, hodi harmoniza materia sira ne'ebé espesialidade sira atu bele di'ak liu tan ba iha futuru oin mai

"Workshop ba harmonizasaun kurikulum programa estudu hitu iha FSPeCM, la'o ho di'ak tebes, tanba ne'e hanesan dekanu, orgullu tebes ba ita hotu bele realiza ita nia workshop durante loron rua nia laran ne’e la’o ho di’ak no sucesu",Tenik Dekanu FSPeCM-UNPAZ.

Iha fatin hanesan, Magnifiku Reitor Univeridade da Paz, Dr. Adolmando Soares Amaral, Lic.Eco., MM, hato'o parabens ba esforsu tomak ita bele konsege harmoniza kurikulum, hamenus ona matéria no aumenta kreditu, ha'u hanoin ida ne'e primeiru ves ita foin halo matéria sira ne'ebé ita hamenus no aumenta ona kreditu, ita tenke kor kompetensia kada materia, depois ita tenki trajetu objetivu ne'ebé kada materia sira, tanba ita tuir ona formasaun ba pedagojia, hanoin iha ne'ebá ne'e klaru ona, ita tenke prepara pakote displina ne'ebé la susar, maibé ida ne'e ita hahu husi semester primeiru, tanba avaliador sira ne'ebé mai halo avaliasaun no sira husi Malaysia sempre husu mai ita matéria ida ne'e nia kor kompetensia saida, se agora imi fó depois hotu tiha imi hakarak imi nia graduadu ne'e atu sai oinsá, imi nia trajetu ne'e saida.

"Ho ida ne'e mak ita harmoniza kurikulum ne'e, ita fiar katak akreditasaun programatika tinan lima mai ita laiha problema ona, ha'u fiar katak departamentu sira hotu sei akreditada hotu tanba ita konsege ona hahu husi agora. Ha'u hanoin katak ita konsege halo ona buat barak ona iha ita nia universidade ida ne'e, mezmu universidade sira seluk ha'u lahatene, maibé ita halo buat lubuk ona historia universidade da paz hahú husi primeiru mai to'o agora ne'e, tabba ne'e husi harmoniza kurikulum no ajusta matéria sira ne'e, ybele fo resposta ba ita nia nasaun no ita nia kondisaun iha Timor-Leste",dehan Reitor.

Entretantu Workshop ba harmonizasaun kurikulum programa estudu hitu iha FSPeCM-UNPAZ, partisapa husi, Magnifiku Reitor Univeridade da Paz, Dr. Adolmando Soares Amaral, Lic.Eco., MM, Dekanu FSPeCM, Sr. Cipriano do R. Pacheco, AMG., Lic.Sp., M.Kes, ho estrutura fakuldade, nomós Dosente sira hotu inklui Funsionariu sira.