FSPeCM DESLOKA TAN ESTUDANTE HUSI DEPARTAMENTU ENFERMAGEN BA IHA MUNISIPIU ERMERA

FSPeCM DESLOKA TAN ESTUDANTE HUSI DEPARTAMENTU ENFERMAGEN BA IHA MUNISIPIU ERMERA

Dili-Universidade da Paz (UNPAZ) liuhsui Fakuldade Saúde Pública e Ciênsia Médica (FSPeCM) desloka tan estudante husi Departamentu Enfermagen ba iha Suku haat (4) Iha Munisipiu Ermera (28/08/24).

Sra. Florinda dos Santos hanesan uma nain hateten, Agradese ba alin estudante sira bele hakat mai iha fatin ida ne’e, no fatin ne’e hanesan ita nian no karik ita bo’ot sira presiza buat ruma bele komfirma importante labele moe ita hanesan bin alin oan no inan aman mak iha fatin ida ne’e, no ita nia fatin ida ne’e hanesan fatin sentru treinamentu ida ne’ebé ami oferese no nakloke ba ema hotu bainhira presiza no alin estudante sira labele moe atu husu saida de’it, tanba alin sira hela iha ne’e durante fulan ida semana rua nia laran.

Iha sorin seluk Sr. José Alves da Cruz hanesan Chefe aldeia hato’o bemvindu ba alin estudante sira hotu ami lideransa komunitaria prontu atu koopera ho ita bo’ot sira durante fulan ida semana rua ita fiar katak ita nia koperasaun la’o ho di’ak no susesu.

“No husu ba ita bo’ot sira karik presiza buat ruma labele nonok de’it nafatin ita kolabora malu no fi’ar katak mai iha Ermera iha suku ida ne’e maske ita mai husi munispiu keta-ketak maibé fi’ar katak ita hare malu hanesan Timor oan hotu iha rai ida ne’e, no ita bo’ot sira mai ho hanoin ne’ebé mak di’ak , liu husi pratika ida ne’e iha sentru saúde ami mós kontenti ba ita bo’ot sira nia prezensa iha ne’e, ami koopera nafatin ho ita bo’ot sira iha tempu kalan no loron”.

Entretantu deslokasaun estudante sira akompaña husi dosente orientador sira tuir ida-idak nia grupu ne’ebé koloka ba.