FSPCM-UNPAZ HETAN VIZITA HUSI AUSTRALIAN CATHOLIC UNIVERSITY (ACU)

FSPCM-UNPAZ HETAN VIZITA HUSI AUSTRALIAN CATHOLIC UNIVERSITY (ACU)

Dili-Universidade da Paz (UNPAZ) nia Dekanu FSPCM, Sr. Cipriano do R. Pacheco, AMG, Lic. SP.,M.Kes. ho estrtura fakuldade nomós dosente sira, simu vizita bainaka ida husi, Australian Catholic University (ACU), Dr. Scott Stewart, iha Aula Mestradu (24/05/24).

Dekanu FSPCM, Sr. Cipriano do R. Pacheco, AMG, Lic. SP.,M.Kes. relata ohin ita hetan vizita ida husi Australian Catholic University (ACU), objetivu husi vizita ne’e atu mai fahe hanoin ba malu, ligadu ho FSPCM liu-liu ba iha departaemntu enfermagen nian.

Nia dehan, ohin ita troka hanoin atu sevisu hamutuk ba oin liu-liu iha departamentu enfermagen, oinsa atu kuida pasiente sira iha prosesu atendimentu durante tempu emergensia ninian, tanba sira iha esperiensia lubuk ida ba iha atendementu intensivu no emergensia nian.

"Ita halo diskusaun lubuk ida, posibilidade ba oin atu hametin liu tan relasaun liuhusi koperasaun ruma, entre universidade rua liu-liu ba iha FSPCM, nune’e bele hala’o atividade ba iha prosesu apriendizajem nomós kurikulum inklui atividade sira ne’ebé, liga ho enfermagen nian ba iha kapasitasaun ba estudante nomós dosentes",dehan Dekanu FSPCM.

Dekanu subliña, rezultadu husi enkontru ne’e, sei iha ekipa ida tur hamutuk, oinsa bele kria nota entendimentu ruma, nune’e bele kesi metin entre universidade rua Australian Catholic University (ACU) no Universidade da Paz, liu-liu ba iha FSPCM ba iha futuru ne’ebé mak di’ak.

Entretantu partisipa iha diskusaun ne’e, Dekanu FSPCM, Sr. Cipriano do R. Pacheco, AMG, Lic. SP.,M.Kes. Australian Catholic University (ACU), Dr. Scott Stewart. Estrututra Fakuldade nian nomós dosentes sira.