FSPCM REALIZA TESTE FIZIKU BA KANDIDATU ESTUDANTE FOUN ENFERMAGEM 510

FSPCM REALIZA TESTE FIZIKU BA KANDIDATU ESTUDANTE FOUN ENFERMAGEM 510

Dili-Universidade da Paz (UNPAZ) liuhusi Faculdade Saúde Pública e Ciénsia Medica realiza teste fiziku ba kandidatu estudante foun enfermagem total atus lima sanulu (510) ne’ebé pasa iha intervista nian, iha Aula FSPCM (10/02).

Dosente Deparatamentu Enfermagem, Sr. Francisco Borges, S.Kep, hateten ohin loron Universidade da Paz liuhusi Faculdade Saúde Pública e Ciénsia Medica departamentu enfermagem halo teste ezame fisiku ba kandidatu estudante foun sira ne’ebé liu ona prosesu seleksaun ba iha sira-nia dokumentu liu ona iha teste eskrita, no ohin ita halo teste ba fisiku ho total estudante 510.

Dosente ne’e esplika, teste ida ne’e atu hatene estudante sira-nia kondisaun saúde enjeral teste ida ne’e sira laiha difisiensia fiziku ruma, ita teste kona-ba sira-nia kondisaun tenki ser di’ak, wain hira ita atu ba servisu iha saúde ka enfermagem presiza fiziku di’ak, presiza fit di’ak, presiza mental di’ak no piskolojikamente di’ak, entaun teste sira ne’e nia objetivu ne’e atu halo eskimi atu haree sira ne’ebé liu ka sira ne’ebé kondisaun fit no di’ak duni, kriteria iha teste iha haat (4) ne’e mak hanesan, teste kona-ba sinal vital, teste baziku optamologia ne’ebé nesesita, teste auditivu, ezaminasaun seluk husi fisiku.

Enjeral teste ohin la’o kapas no agradese tanba dosente sira barak, ne’ebé sai mós hanesan ema sira ne’ebé profisionalizmu ba saúde halo servisu iha hospital, inklui mós ita nia mediku jeral no mediku espesialista kuaze na’in haat ka nain lima ne’ebé mak involve direta iha prosesu ida ne’e, ha’u hanoin prosesu ida ne’e bele fó rezultadu ne’ebé mak di’ak ba ita nia estudante sira.

Nia dehan, estudante sira ne’ebé mak iha teste ne’e la liu, ha’u hanoin sira bele hili fali departamentu sira seluk ne’ebé mak inklui iha Faculdade Saúde Pública e Ciénsia Medica. Mais ba enfermagem ita tenki teste duni ho didi’ak ka tenki ta’es duni ne’ebé mak mai ho fisiku ka mental ne’ebé mak di’ak.